PUDUT 10 - BALA LUK DO'

Inul Anak Noh

¹ Idi ini anak inul Noh luk deléi, ieh ineh Sem, Ham, idi Yapet. Idi pangeh ereb ineh ideh inan tuda'-tuda' anak deléi.

² Idi anak-anak Yapet, — Gomer, Magog, Madai, Yawan, Tubal, Misek, idi Tiras — mangun ku tepun pupu luk makai ngadandeh.

³ Idi anak-anak Gomer, ieh ineh pupu Askenas, Ripat, idi Togarema.

⁴ Idi inul Yawan, ieh ineh pupu Eliseh, Tarsis, Kitim, idi Dodanim.

⁵ Idi ideh mangun ku tepun pupu luk tudo tangeb abpa' rayeh idi luun pulau-pulau teh. Ideh ineh inul Yapet luk tudo bang bawangdeh sebuleng, maya' inuldeh idi baladeh sebuleng.

⁶ Idi anak-anak Ham, — Kus, Masir, Libia, idi Kanaan -– mangun ku tepun pupu luk makai ngadandeh.

⁷ Idi inul Kus, ieh ineh pupu Siba, Hawila, Sabta, Rama, idi Sabteka. Idi inul Rama, ieh ineh pupu Siba idi Dedan.

⁸ Idi Kus pana' nenginul Nimrod, idi ieh ineh luk pun-pun mangun ku lun rayeh luk mesangit bang tana' ini.

⁹ Idi ieh seburur lun nganup luk meluun tueh pa kiung Tuhan; ngaceku ineh pangeh bila, “Do' iko mepad kudeng Nimrod, seburur lun nganup luk meluun tueh pa kiung Tuhan.”

¹⁰ Pun-pun ieh mengun ku raca' bang bawang Babil, Erik, idi Akad luk bang babpat Sinar.

¹¹ Idi rat bang bawang ineh ieh iné' Asur idi nemudut bawang Ninewé, Rehobot Ir, idi Kala,

¹² idi Resen luk arang Ninewé dengan Kala, aceh bawang luk rayeh.

¹³ Idi Masir nenginul pupu Lidia, Anam, Lihab, Naptu,

¹⁴ Patrus, Kaslu, idi Kaptor. Idi ratnan inuldeh inan teh lun Pilistin.

¹⁵ Idi anak-anak Kanaan, — Sidon, anakneh luk atun, idi Hit —– mangun ku tepun pupu luk makai ngadan didueh.

¹⁶ Idi Kanaan ineh tepun lun Yebusi, lun Amori, lun Girgasi,

¹⁷ lun Hiwi, lun Arki, lun Sini,

¹⁸ lun Arwadi, lun Semari, idi lun Hamati pana'. Idi amung-amung lun Kanaani nepatad,

¹⁹ pad lakan bawang lun Kanaani ineh rat Sidon matun Gerar macing déi' Gasa, idi pa busat aco macing déi Sodom, Gemora, Adma, idi Seboyim, luk muneng ku Lasa.

²⁰ Ideh ineh inul Ham luk tudo bang bawangdeh sebuleng, maya' inuldeh idi baladeh sebuleng.

²¹ Idi Sem, kinanak Yapet luk rayeh ineh mangun ku tepun amung lun Iberani.

²² Idi anak-anak Sem, — Elam, Asur, Arpaksad, Lud, idi Aram -–- mangun ku tepun amung pupu luk makai ngadandeh.

²³ Idi inul Aram, ieh ineh pupu Us, Hul, Geter, idi Misek.

²⁴ Idi Arpaksad nenginul Sila, idi Sila nenginul Iber.

²⁵ Idi Iber inan dueh anak deléi, ngadan sebuleng Peleg, ngaceku bang kareb ineh amung-amung lun bang tana' ineh nepatad, idi ngadan kinanakneh luk isuut ineh Yoktan.

²⁶ Idi inul Yoktan ineh Almdad, Selep, Hasarmawet, Yera,

²⁷ Hadoram, Usal, Dikla,

²⁸ Obal, Abimail, Siba,

²⁹ Opir, Hawila, idi Yobab. Amungdeh ini inul Yoktan.

³⁰ Idi bawang luk inandeh tudo rat bawang Misa macing déi' Separ, ieh ineh pegkung luk pa busat aco.

³¹ Ideh ineh inul Sem luk tudo bang bawangdeh sebuleng, maya' inuldeh idi baladeh sebuleng.

³² Idi amung pupu ini inul Noh, anid-anid maya' inuldeh idi pupudeh. Idi muci ratnan ereb amung-amung pupu bang tana' ini kali' rungen inul Noh.