NEHEMIA 7 - BALA LUK DO'

¹ Idi nekini libung pangeh pinudut baruh. Amung itek tanga' pana' pangeh inau'. Lun luk nginita Ruma' Allah, lun luk menani, idi lun Liwi pangeh nengimun ngakem.

² Idi ui nengecuk dueh burur ngimet bawang Yerusalim: kinanakku Hanani, idi Hanania luk lun rayeh baweh. Hanania ineh seburur lemulun luk inan merapet idi luk meluun matot inan Allah.

³ Ui nemebpeng nedidueh na miak ngukab tanga' Yerusalim kareb nateh mudik aco. Idi do' tanga' ineh uen ngitek kareb nateh lun luk nginita bawang ineh muli' kareb aco macep. Idi teh ui nengecuk nedidueh ngeletep lun luk nginita bawang rat arang lemulun luk tudo bang bawang Yerusalim. Sebuangdeh miak lutep bang aceh kekamen, idi sebuangdeh miak nalan-nalan matar bawang iring ruma'deh.

Ngadan Amung Lemulun

⁴ Bawang Yerusalim ineh rayeh, iamo' na mula' lemulun luk tudo su ineh, idi ruma' pana' nateh mula'.

⁵ Allah nengegio niatku pad ui nengamung nelun mula' dengan lun rayeh-rayehdeh, pad ui nier surat inuldeh. Ui nengalap surat inul lemulun luk pun nuli' rat bawang su luk inandeh tiban. Idi ini luk nekali'ku.

⁶ Mula' lemulun rat bawang Yahuda pangeh nuli' rat bawang su luk inandeh tiban Nebukadnesar, raca' Babil. Anid-anid bururdeh nuli' iné' bawangneh sebuleng, ieh ineh Yerusalim idi bawang baken luk déi' Yahuda.

⁷ Ngadan lun rayeh luk nenguit nedeh nuli', ieh ineh, Serubabel, Yesua, Nehemia, Asaria, Ramia, Namani, Mordekai, Bilsan, Misperet, Bigbai, Nehum, idi Bana.

^8-25 Ini kinula' lemulun bang anid inul Israil luk nuli' rat bawang su luk inandeh tiban. Paros – 2,172 Sepatia – 372 Ara – 652 Pahat Moab – (Inul Yesua idi Yoab) – 2,818 Elam – 1,254 Satu – 845 Sakai – 760 Binui – 648 Babai – 628 Asgad – 2,322 Adonikam – 667 Bigbai – 2,067 Adin – 655 Ater (luk titen Hesekia) – 98 Hasum – 328 Besai – 324 Harip – 112 Gibion – 95

^26-38 Lemulun luk kuan tepun tudo bang bawang ini nuli' teh rat bawang su luk inandeh tiban: Baitlahim idi Netopa – 188 Anatot – 128 Bait Asmabet – 42 Kiriat Yarim, Kepira, idi Birot – 743 Rama idi Giba – 621 Mikmas – 122 Baitel idi Ai – 123 Nebol luk baken – 52 Elam luk baken – 1,254 Harim – 320 Yeriko – 345 Lod, Hadid, idi Ono – 721 Sena – 3,930

^39-42 Ini ngadan inul imam luk nuli' rat bawang su luk inandeh tiban: Yedaya (inul Yesua) – 973 Imer – 1,052 Pasur – 1,247 Harim – 1,017

^43-45 Inul Liwi luk nuli' rat bawang su luk inandeh tiban: Yesua idi Kadmil (inul Hodabia) – 74 Lun luk menani bang Ruma' Allah (inul Asap) – 148 Lun luk nginita ruma' Allah (inul Salum, Ater, Talmun, Akub, Hatita, idi Sobai) – 138

^46-56 Inul lun luk ngakem bang Ruma' Allah luk nuli' rat bawang su luk inandeh tiban: Siha, Hasupa, Tabaut, Keros, Sia, Padon, Lebana, Hagaba, Salmai, Hanan, Gidel, Gahari, Riaya, Resin, Nekoda, Gasam, Usa, Pasia, Basai, Munim, Nepusim, Bakbuk, Hakupa, Harhur, Baslit, Mehida, Harsa, Barkos, Sisera, Tema, Nesia, idi Hatipa.

^57-59 Inul demulun Selimun luk nuli' rat bawang su luk inandeh tiban: Sotai, Soperet, Perida, Jala, Darkon, Gidel, Sepatia, Hatil, Pokeret, Hasebaim, idi Amon.

⁶⁰ Kinula' inul lun luk ngakem bang Ruma' Allah idi demulun Selimun luk nuli' rat bawang su luk inandeh tiban ineh 392 burur.

^61-62 Inan 642 burur lemulun ratnan inul Delaya, Tobia, idi Nekoda luk nuli' rat bawang Tel Mela, Tel Harsa, Kerub, Adon, idi Imer, iamo' na ideh megala' inul lun Israil.

^63-64 Idi inul imam ini na surat inuldeh: ieh ineh Hobaya, Hakos, idi Barsilai. (Tepun inul imam-imam Barsilai pangeh nengaweh seburur decur ratnan inul Barsilai rat Giliad, idi pangeh nengalap ngadan inul libanneh.) Idi ngaceku ideh na miak ngegala' ratnan inuldeh, idi ideh na miak lapen mangun ku imam.

⁶⁵ Pengulu nemebpeng nedeh na miak kuman akan luk biré kuan Allah, pad inan imam luk miak makai Urim idi Tumim.

^66-69 Kinula' lun luk nuli' rat bawang su luk inandeh tiban ineh – 42,360 Demulundeh luk deléi idi decur – 7,337 Lemulun luk menani, do' decur idi deléi pana' – 245 Kuda – 736 Aya' luk seupa kuda idi seupa keladai – 245 Unta – 435 Keladai – 6,720

^70-72 Mula' lemulun nemaré binaweh pad ngedengan kekamen ngedo' Ruma' Allah. pengulu 200 tahil amas, 50 bigan ruma' sembayang 530 kuyu' imam Lun Rayeh Inul 253 kati amas 2,410 kati pirak Lun Baken 253 kati amas 2,190 kati pirak 67 kuyu' imam

⁷³ Lun imam, lun Liwi, lun luk nginita Ruma' Allah, lun luk menani, idi teh mula' lun luk baken, idi teh lun luk ngakem bang Ruma' Allah, ieh ineh amung lun Israil tudo bang bawangdeh luk isuut idi luk rayeh pana' déi' yahuda.