NEHEMIA 11 - BALA LUK DO'

Lemulun Luk Tudo Bang Bawang Yerusalim

¹ Lun rayeh-rayeh tudo déi' Yerusalim, idi lun baken, nenala' udi pad ideh mili' aceh tetek ruma' rat arang pulu' tetek ruma' luk miak tudo bang bawang Yerusalim luk meligan. Idi tetek ruma' luk ketecan miak tudo bang bawang baken luk rayeh idi luk isuut pana'.

² Idi lun Israil nengubur lemulun luk nengamo ideh pian tudo déi' Yerusalim.

³ Bang bawang luk baken, lun Israil, imam-imam, lun Liwi, lun luk nginita Ruma' Allah, idi inul demulun Selimun tudo bang bawangdeh sebuleng, idi luun tana'deh sebuleng. Ini ngadan lun rayeh luk rat bawang Yahuda luk tudo déi' Yerusalim:

⁴ Ngadan inul Yahuda: Ataya, anak Usia Sekaria. Idi arang tepunneh inan Amaria, Sepatia, Malalel, luk inul Paris lun anak Yahuda.

⁵ Masia, anak Baruk Kolosi. Idi arang tepunneh inan Hasaya, Adaya, Yoyarib, idi Sekaria, luk inul Sela luk anak Yahuda.

⁶ Idi rat arang inul Paris inan 468 lemulun luk mebala luk tudo déi' Yerusalim.

⁷ Ngadan inul Beniamin: Salu, anak Mesulam Yoed. Idi arang tepunneh inan Pedaya, Kolaya, Masia, Itiel, idi Yesaya.

⁸ Gabai idi Salai, ieh ineh pupu Salu luk muneng. Kinula'deh, 928 tetek inul Beniamin tudo déi' Yerusalim.

⁹ Idi Yoel Sikri mangun ku lun rayehdeh. Idi Yahuda Hasenua mangun ku tarehneh bang bawang ineh.

¹⁰ Imam-Imam: Yedaya Yoyarib, idi Yakin.

¹¹ Seraya, anak Hilkia Mesulam. Idi arang tepunneh inan Saduk, Merayot, idi Ahitub luk Imam Rayeh.

¹² Inan 822 burur ratnan inul ini luk nengakem bang Ruma' Allah. Adaya, anak Yeroam Pelalia. Idi arang tepunneh inan Amsi, Sekaria, Pasur, idi Malkia.

¹³ Inan 242 burur ratnan inul ini luk lun rayeh tetek ruma'deh. Amasai, anak Asarel Asai. Idi arang tepunneh inan Mesilemot idi Imer.

¹⁴ Idi inan 128 burur ratnan inul ini luk mangun ku lun pebunu' luk mebala. Idi lun rayehdeh, ieh ineh Sabdil luk kuan tetek ruma' mebala teh.

¹⁵ Lun Liwi: Semaya, anak Hasub Asrikam. Idi arang tepunneh inan Hasabia idi Buni.

¹⁶ Sabetai idi Yosabad, ieh ineh lun Liwi luk mebala luk ngimet kekamen déi' liang Ruma' Allah.

¹⁷ Matania anak Mika Sabdi, luk inul Asap. Ieh luk nguyut nelun luk mileh menani bang Ruma' Allah kareb ideh menani ubur. Bakbukia luk ngedengan Matania. Abda, anak Samua Galal, luk inul Yedutun.

¹⁸ Idi inan 284 burur lun Liwi luk tudo bang bawang Yerusalim luk meligan.

¹⁹ Lun luk nginita Ruma' Allah: Akub, Talmon, idi pupudeh, ieh ineh 172 burur.

²⁰ Lun Israil, imam-imam, idi lun Liwi luk baken tudo luun tana'deh sebuleng bang bawang baken déi' Yahuda.

²¹ Lun luk ngakem bang Ruma' Allah tudo bang aceh babpat Yerusalim luk titen Opel. Siha idi Gispa ieh ineh lun luk ngimet kekamendeh.

²² Lun rayeh lun Liwi luk tudo déi' Yerusalim, ieh ineh Usi, anak Bani Hasabia. Idi arang tepunneh inan Matania idi Mika. Idi Usi ineh ratnan inul Asap luk nguyut nelun luk mileh menani kareb sembayang bang Ruma' Allah.

²³ Inan ukum raca' ratnan inul-inul pelibal nguyut nani bang Ruma' Allah anid-anid aco.

²⁴ Petahia Mesesabel ratnan inul Sera idi pupu Yahuda mangun ku gatum lun Israil déi' bawang Parsi.

Lun Israil Luk Tudo Bang Bawang Baken

²⁵ Mula' lemulun tudo bang bawang luk muneng ku lati'deh. Lun luk inul Yahuda tudo déi' Arba, Dibon, idi Yekabsil, idi bawang luk isuut luk muneng ku bawang ineh.

²⁶ Sebuangdeh tudo déi' Yesua, Molada, Baitpelet, idi

²⁷ Hasasual, idi déi' Birsiba idi bawang luk libut-libutdeh.

²⁸ Idi inan teh luk tudo déi' Siklag, Mekona, idi bawang luk libut-libutdeh,

²⁹ idi teh déi' Enrimon, Sora, idi Yarmut,

³⁰ déi' Sanua, Adulam, idi teh bawang luk libut-libutdeh. Inan teh luk tudo déi' Lakis idi teh luun lati' luk muneng ku ineh, idi déi' Aseka dengan bawang luk libut-libut ineh. Ieh ineh lun Yahuda tudo luun tana' luk arang Birsiba pa kabing busat aco, dengan Raked Hinom pa tinueh busat aco.

³¹ Lun pupu Beniamin tudo bang bawang Giba, Mikmas, Ai, Baitel, idi bawang luk libut-libutdeh,

³² Anatot, Nob, Anania,

³³ Hasor, Rama, Gitaim,

³⁴ Hadid, Seboim, Nebalat,

³⁵ Lod, idi Ono, idi teh luun Raked Tukang.

³⁶ Idi tuda'-tuda' babpat lun Liwi luk netudo déi' bawang Yahuda atun litep pad ideh tudo dengan lun Beniamin.