NANI UBUR 4 - BALA LUK DO'

Sembayang Malem Mutuh Pedengan Ratnan Allah

¹ Ngua' kuanku kareb ui nawar, O Allah, Batu Libungku! Kareb ui bang susa', Iko ngedengan negku. Méi' negku idi ninger sembayangku!

² O lun muyuh, tuda' io muyuh nguyo negku? Tuda' io muyuh geregan ku luk na ulek, idi nakap luk mebalih.

³ Do' ngerawé, Tuhan nemili' lemulun luk matu mangun ku pupuNeh. Ieh ninger negku kareb ui nawar Neneh.

⁴ Kudeng muyuh museh, aleg nganau' sala'; do' ngerawé ratnan ini, buleng-buleng bang takep muyuh.

⁵ Maré kuan Tuhan baré luk petulu, idi merapet Neneh.

⁶ Mula' lun pebala, “Kai pian tu-tu uen ngeperuan!” O Tuhan méi' kuan kai!

⁷ Awang luk pangeh biréMu negku, O Tuhan, meluun rayeh ratnan awang lemulun luk mula' perinien.

⁸ Kareb ui telubid, ui rudap dengan do'; Iko sebuleng, O Tuhan luk nginita negku.