NANI UBUR 3 - BALA LUK DO'

Sembayang Pekak Mutuh Pedengan Ratnan Allah

¹ Mula' tu-tu bunu'ku, O Tuhan, mula' luk misu' niat sikal munu' negku!

² Ideh ngedat negku, keburi'deh, “Allah na sikal ngedengan neneh!”

³ Iamo' Iko, O Tuhan, megéi' ngelinged negku, Iko maré tueh negku, idi maré kuu' negku teh.

⁴ Ui nawar Tuhan, Ngedengan negku,” idi rat pegkungNeh luk meligan Ieh ngua' putuhku.

⁵ Ui telubid idi rudap, idi kulat dengan do', ngaceku Tuhan matar negku.

⁶ Na ui matot ku ribu-ribu bunu' luk ngelibut negku.

⁷ Amé' negku, O Tuhan! Ngulun negku, Allahku! Iko mepag pingit bunu'ku, idi mutul lipendeh.

⁸ Ulun macing ratnan Allah — do' Ieh ngeperuan pupuNeh!