AYUB 35 - BALA LUK DO'

^1-2 O Ayub, na petulu iko mala iko matu pa kiung Allah.

³ Idi ngitun Allah, “Kudeng apehké sala'ku ngesusa' namu? Anunké ilungneh ui na nganau' sala'?”

⁴ Ui pian ngor balamu idi lun rurummu.

⁵ Do' nier langit, idi kudeng apeh kidita' laput ineh!

⁶ Kudeng iko nganau' sala', miakké Allah mesusa'? Kudeng iko mula' sala', miakké Ieh mesusa' ku ineh?

⁷ Kudeng iko nganau' luk matu, anunké ulekneh kuan Allah? Anunké luk lapen Allah rat namu?

⁸ Lun denganmu medereh ngaceku sala'mu, iamo' kekamenmu luk do' ngedengan nedeh.

⁹ Kareb lemulun uen ngedereh, ideh ngarod; idi mutuh lemulun ngedengan nedeh.

¹⁰ Iamo' na ideh lumi inan Allah luk nemudut nedeh, idi luk maré tueh bang kareb inan susa'.

¹¹ Na ideh lumi inan Allah luk maré ileh netau, pad tau meluun ileh ratnan pung idi suit.

¹² Ideh mutuh pedengan, iamo' Allah na ngua' putuhdeh, ngaceku ideh dat idi medita' niat.

¹³ Na ulekneh! Allah luk Melalud na nier idi na ninger putuhdeh.

¹⁴ O Ayub, kebalamu, iko na miak nier Allah, do' mulai niat — Allah ninger besara'mu.

¹⁵ Iko ngerawé Allah na ngukum netau, idi Ieh na nier sala' tau.

¹⁶ Na ulekneh iko pebala teh, ngaceku megala' iko na kali' ilung luk belénmu.