AYUB 26 - BALA LUK DO'Ayub 1-2 Kudeng apehké iko ngedengan idi ngulun negku— luk pelaba laya' ini. 3 Kudeng apehké iko mada' negku luk pelaba bacé? 4 Idéké petulu ninger balamu ineh? Roh idéké luk nengecuk namu pebala kudeng ineh? Bildad 5 Su luk inan até meruyuh; idi lun luk tudo su ineh megegker. 6 Su luk inan lun naté mukab pa kiung Allah; na luk ku ngelinged neneh rat pa kiungNeh. 7 Allah nemalad langit luk pa tinueh busat aco, idi nengekito tana' ini su luk na anun-anun. 8 Allah luk manu' laput ku abpa', pad ideh na mekusag ku beratneh. 9 Ieh ngelinged bulan batung pa keted laput ineh. 10 Ieh matad acang ratnan dacem ku lakan iring langit. 11 Diri langit megegker ku tot, kareb ideh ninger arod Allah. 12 TuehNeh nengelaya' abpa' rayeh, idi teh ilehNeh nengaté galau Rahab. 13 NiatNeh luk nengeligan langit; ticu'Neh luk nengaté menipeh luk buro. 14 Iamo' ini mangun ku tanu' laludNeh mo', idi ayek mo' luk pindenger tau. Idéké miak kali' kudeng apeh rayeh Allah? |
BALA LUK DO' Lun Bawang Bible © The Bible Society of Malaysia 1982, Second Edition 1998.
Bible Society of Malaysia