Revelíshon 4 - Bokyi BibleEringe mbe ba-kyâ Osówo Ofê Kyíbóng 1 Ké nkéré ńkyín kii/shwôm, m/bírî achi n-ri dyifyi fúú kyíbóng. Ne mbwôp kashú-ejá nyí me m/mû n/jwo e-chîraa wǎ ntán e/fu, bâ kwán fáráng, ne me n/chi n-tông ǒ ńkyí kyi/chi kyi-man kyi-chi ké nkéré ńkyín kii/shwôm. 2 Ké abe ányi, n-firi ké bubwô-Busun-Osówo. Kakyúng-butu ka/mû ányi kyíbóng ne onet ké nké me. 3 Bushú emen bu/mû bu-san n wǎ aká nyí adashwane kasî nyí badakó jásapa ne kanyílyan. Busáng-eshwa ḿbú mbu wǎ aká nyí ragerage bu/wáp kakyúng-butu kángkáng bu-fé ké kafâ. 4 Bukyúng-butu bukíri bujam esim bunyii bu/mû ányi kerékeré bu-fé kakyúng-butu ánke ké kafâ, ḿbú bachíkpi bujam esim banyii mbe ké mbú me me, ne byídí ḿbyí kpárádádát ké byiko, ne etam-butu nyí ba/chi ké gûl ké ashí cítcít. 5 Kasabang ka-kédê ké kakyúng-butu ne kyicoge ne kyirime-etare. Baka ba/mû ányi káchâtkányi ḿbé mbe ba-mang ng ké bushú-kakyúng-butu. Ḿbén ba/mû basun ámbe káchâtkányi ḿbé Osówo. 6 Ne ké kashú-kakyúng-butu, a-ri ng chwǒm ńkyí nkyi wǎ kace ńké cángénéné. Biǐnyám byinyii ne achi ké bashú bamúmú ne esim emúmú byi-wâng kakyúng-butu egba emúmú byi-fé ké kafâ. 7 Mbwôp kashú-kiǐnyám kyi/mû wǎ ekpang. Nnyinyěng kyi/mû wǎ kyisu-mpong. Ké byichât, kyi/mû ne bushú wǎ ḿbú onet. Ne ké byinyii, kyi/mû wǎ kiinkwa ńkyí nkyi kyi-byí i. 8 Kiǐnyám nang kyirá ké biǐnyám ámbyi byinyii kyi/mû ne abyibabang nyâchât nyí a/mû ne achi ké byikit byimúmú, ké kafâ ne kyíjí. Bii*mîng okwan ebe ekwán* mú mbyi byi-kwán n buchú ne esû* byi/fu, Osówo Óburúkpâbí mú kángkáng busa mu onong, mu onong, mu onong, mú o/mû, mú mu, ne mú o/chi o-bâ. 9 Biǐnyám ámbyi byinyii mbyi byi-kwán n ekwan nyí akpee ne ofê ne asǎma byi-kyâ nyǐ mú mu o-kyú u ké kakyúng-butu, mú mu ne banyá ne banyá. Ké nkéré mú bii/kwán, 10 bachíkpi ámbe bujam esim banyii ba-myii ké kashú ńké nyǐ mú mu o-kyú u ké kakyúng-butu, ne ba-kpet ǎ nyǐ mú mu ne banyá ne banyá ofê ekye. Ba-tî etam ebe nyí butu ké kashú-kakyúng-butu ba-raa ba/fu, 11 Osówo Óburúkpâbí eten, wo a/kwárê mú adakoo akpee ne ofê ne busa. Ké ebóng, wo nké a/chi kángkáng byěm. Mbyí mbyi byi-kyú u ne mbyi byi-kpen n ké eringe nyí wo amu a-ryuu ng. |
Published by the Bible Society of Nigeria @ 1985
Bible Society of Nigeria