SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 73 - Bokyi Bible

Osówo o-pan n Mpan Kerededet

¹ Ké ntûntû, Osówo o-tông ng [banet-Ézerel] kanong emen, ne banet ḿbé mbe ne atyém kpárám.

² Nké kyi/mû kyi/waa kaǎníng dyityém ejí ńdyí n/fé ne Osówo dyi-man,

³ ké nǎ, orêm o/mû o-kú o-chi i mě ne bantông byiko ké nkéré n/ri n/fu, byěm mbyi byi-câ kanong ne banet ḿbé ba/bên atyém.

⁴ Ké nǎ, mbé ba*fí ba-ri ng busông*. Mbé mbe shwanshwan ne enyam-byiko ekpó.

⁵ Mbé ba*fí ba-ri ng busông* ne mbé ba*fí ne afaníkong wǎ banet bakíri*.

⁶ Ké bubwô ámbu, mbé mbe ba-wum m byiko atông wǎ byibwáng-kyitông. Ba-wum m anwa wǎ ágbádá. [

⁷ Atyém ebe aa/sú ne byibî,] ne ekabe ebe nyi kángkáng ké byibî-byěm echi.

⁸ Ba-jwó ng banet ḿbé áku, ba-raa ng byibî-byěm. Ba-tông ng byiko, ba-cibi ng to eringe nyí mbé badacít banet bakíri.

⁹ Ba-raa ng byibî-byěm ba-bât ng Osówo mú mu kyíbóng. Ba-sét ng banet ḿbé ké ejíí byěm ḿbyí badachi ḿbyí byiko etông. [

¹⁰ Ké bubwô ámbu, nang banet ḿbé Osówo mbe ba-bírî ng ba-kâm m kámbé, ne mbe ba-ryuu ng ebángê to ochéé óchee nang ebóng chwǒm ńkyí ba/sét.]

¹¹ Ba-raa ng ba/fu, Osówo mú kyíbóng kyíbóng oo*ba/chi o-nyît ńkyí byimu byi-chi i*.

¹² Éné nké bambên atyém mbe. Mbé mbe ne byěm chwóó, ne kángkáng nkéré mbe ba-já ng ba-câ kashú.

¹³ Kántîk, mpún o*fí mě mú n*da/chi kyibî* mú nn/tî byiko ejí kpárám*.

¹⁴ Osówo ejí, wo aa/chi mě mu n-ri ng afaníkong ké dyicí ké dyicí. Wo aa/kye mě busông kángkáng dyicófóróng.

¹⁵ Â me m/mû n/fu azong-byěm ányi, me m/mû mm*ba/chi n-chi édúú wǎ nyí banet eyên*.

¹⁶ N/kan ekabe eringe ndachi kyi-kim ne afaníkong ńnyín, nké kyi/mû kyi-sóng ng mě kyi-shwôm

¹⁷ tete n-nung ké kiǐtí-kyise-kyifen eyên echi. Ányi kâng nké n/nyît ńkyí kyi/chi kyi-chi bambên atyém.

¹⁸ Wo a/chi a-tî kámbé ké byikit ḿbyí byidatyebe, a-chi kámbé ba-myii ba-kpú.

¹⁹ Mbé ba-kpú u ké abe, ba-jâ ké kyibî-kyikit.

²⁰ Mbé mbe wǎ burê eri ḿbú adaráp ké dyicófóróng. Óburúkpâbí ejí, ké nkéré wo oyén aa/jwóbê, mbé ba-rím m.

^21-22 Me m/mû wǎ enyam ké nkéré mú m/mû ne byibî-okabe ne dyityém-busa. Me m/mû n*fí n-nyît ng ńkyí amu a-chi i mě*.

²³ Nké me mu n-kyú u ne wo fáráng kángkáng nkéré, ne wo amu a-níbî ng mě ké bubwô.

²⁴ Wo amu a-tông ng mě kiǐfáng ké byěm ḿbyí wo amu a-tángê e mě, ne ké nkuli kyikû, wo a/chi a-koo mě ne ofê.

²⁵ Ebóng chwǒm kyikíri ńkyí me mu ne nkyí ké bubóng kyi-cibi ne wo. Ké me mu ne wo, me n-chî ng eryuu ebóng ké ejíí.

²⁶ Enyam-byiko ejí ne dyityém ejí byi-man n efiri kyeekyee, nké Osówo nké mu busa ejí. Nyǐ nké mu kángkáng byěm ḿbyí mu n-ryuu ng.

²⁷ Ké nǎ, banet ḿbé ba/bírî ǒ esim ba/chi ba-tánê ké ntûntû. Wo a/chi a-man ne banet ḿbé ba*fí ba-fâ atyém ebe ne wo*.

²⁸ Nké me, nkyi kanong ne me ńkyí ndakyú fáráng ne Osówo, ńkyí Osówo Óburúkpâbí oda mě eku, ne ńkyí ndasét kyi-kim ne kángkáng byěm ḿbyí nyǐ oo/chi.