SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 58 - Bokyi Bible

Nshwam mú Osówo odakye Mbên Dyityém Busông

¹ Ben [banet-ashí-oshê] baa/két mpan nang kabónge mú acît a*fí*? Ben bamu ba-pan n banet mpan kángkáng kerededet dí.

² Aa*wááng*. Ben bamu ba-kabe ng kyi-kim ne byibî ḿbyí ben badaman echi nké nke, ba-chi i byibî ḿbyí anwa enwa ké oshê.

³ Byibî-banet byi-chi i ńkyí kyi*fí kanong* ké akpen ebe kángkáng. Mbé ba-kpet ng byisédéng esét kyi-fím ké dyicí ńdyí ba/fwon kámbé.

⁴ Dyífa dii/sú kámbé ké byiko wǎ efyi. Mbé mbe ba-ku ng atông ebe wǎ efyi nyí ee*jwo atông*

⁵ nyí e*fí e-jwo ng ejá nyí nchi bakye-efyi* nang ekwan nyí onet-bambirirím mú mu ne byinyídíng*.

⁶ Ô Osówo, bú asháng nyí biinchi bushî-ekpang ńnyín.

⁷ Kyi/bát barím wǎ omu mú mu o-núng ng. [Kyi/bát bacím kámbé wǎ biǐbyâa ḿbyí ké kiǐfáng.]

⁸ Kyi/bát bakyú wǎ barwân-ekó. Kyi/bát bakyú wǎ wǎn-ojújwô mú ba/fwon o-kpú kiinwángé o*da/ri*. [

⁹ Ba-két ng kámbé ba-pwó kyísí wǎ biǐbyâa ne mbé ba-kûnyît. Osówo ké dyityém-busa emen o/chi o-tut kámbé o-pwó ké nkéré ba/tôong okpó.]

¹⁰ Banet ḿbé mbe ba-chi i kanong ba/chi ba-kyú ké bunyîn-dyityém ké nkéré baa/ri ba/fu, baa/kye banchi byibî busông. Mbé ba/chi ba-cen ba-shwôm ké baróng ḿbé bambên atyém.

¹¹ Banet ba/chi ba-raa ba/fu, ké ntûntû, baa/yárê banet ḿbé mbe ba-chi i kanong. Ké ntûntû, Osówo mu kô mú mu o-pan n ejíí mpan.