SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 46 - Bokyi Bible

Osówo mu ne be

¹ Osówo nké mu kyikit-dyirem eten ne busa eten. Nyǐ kángkáng nkéré o/kpá byiko ḿbyí oda bě echwáp ké nkéré-afaníkong.

² Ké bubwô ámbu, be bii*ba/chi byi-shî* nang esí e-náng* nang eku e-bûu e-róng ké biǐríbíríbí-baya*

³ nang baya ḿbé baryên ba-rime ne bunâng* ne nang bunâng ebe bu-chi eku e-náng*.

⁴ Kace nke kô ńké nke ka-bâ ne bunyîn-dyityém ké oshê mú Osówo, ké kyise ńkyí kyi/já Osówo mú kyíbóng kyíbóng.

⁵ Osówo mu ké oshê ámu, ne oshê ámu oo*nwa ebên ne banyá*. Osówo o-bâ ng enyii kámú pirípirí ké dyicófóróng.

⁶ Eshê e/firi ké bushî, batu ba/firi byiryibyiryi. Ké nkéré Osówo o/nyán, esí e/sáng wǎ bano.

⁷ Óburúkpâbí mú o/rêe o-shwôm mu ne be. Osówo mú Jekôp nké mu kyikit-dyirem eten.

⁸ Bâ n̂g ba-ba-ri ńkyí Óburúkpâbí oo/chi. Ri n̂g akat-byěm nyí nyǐ oo/chi ké ejíí.

⁹ Nyǐ mu o-kám m byití ké ejíí emúmú. Nyǐ mu o-bún n báre, o-bên n byíbye. Ne mu o-fâ édem ké okwâ e-shí kángkáng.

¹⁰ Nyǐ mu o-raa ng o/fu, mîng n̂g bunwa, ba-nyît ba/fu, me n-chi i Osówo. Me n/rêe n-shwôm eshê kángkáng ne ejíí kángkáng.

¹¹ Óburúkpâbí mú o/rêe o-shwôm mu ne be. Osówo mú Jekôp nké mu kyikit-dyirem eten.