SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 3 - Bokyi Bible

Nshwam-Dyicófóróng mú Ochwâp

¹ Óburúkpâbí, me n/jê ne banet-bushwôn n-shwôm. Bujê chwóó mbe ba-bírî ng bunwa ne me.

² Mbé mbe ba-raa ng kyi-kim ne me ba/fu, Osówo oo*ba/chi o-chwáp ǎ*.

³ Nké wo, ǎ Óburúkpâbí, nké amu mě édem kángkáng nkéré ké nkéré-ofene. Wo amu a-chi i mě m-kpógê ne amu a-tî ng dyityém ejí shwaneshwane.

⁴ Me mu n-kó ng Óburúkpâbí n/fu, ochwáp mě, ne nyǐ mu o-faa ng mě ojá ké kaku-ociring emen.

⁵ Me mu n-rí i n-rê ng, ne Óburúkpâbí mu o-ku ng mě buchú bumúmú.

⁶ Me n*fí n-shî ng bajam-égot-banet-bushwôn ḿbé ba/wâng mě byicê byimúmú*.

⁷ Óburúkpâbí, bâ. Osówo ejí, nyángê mě. Wo amu a-kyâ kángkáng banet-bushwôn ejí busông, a-chi busa bu-man kámbé ḿbú mbé bada mě enémê.

⁸ Okpóge mu o-fím m ké abwô nyí Óburúkpâbí. Kyi/bát nyǐ ojware banet emen.