SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 24 - Bokyi Bible

Otu mú o/rêe o-shwôm

¹ Ejíí ne kángkáng banet ne kángkáng byěm ḿbyí mbyi ké nyǐ byi/já Óburúkpâbí.

² Ké ebóng, Óburúkpâbí nké o/bi kányí ké baya o-sím kyikû-ejíí o-fé ké baya.

³ Yeě mú ba/kye ǎ busa ḿbú odayú kaku ńké Óburúkpâbí. Yeě mú ba/bángê ǎ ba/fu, onung ké kiǐtí-kyise-kyifen-Osówo echi.

⁴ Onet mú mu kpárám ké édúú ne ké dyityém, ne o*fí [o-fâ erím-bakye*] o-ryí nang ocím mú o*fí ké kafâ*.

⁵ Óburúkpâbí o/chi o-jware dyizong-onet ándyi. Osówo, Onet-Onyii emen o/chi o-fu ǎ, o*da/chi kyibî*.

⁶ Azong-banet ámbe nké badakyé kyikit ńkyí Osówo mu. Mbé nké badaryuu eri Osówo mú Jekôp.

⁷ Bâa n̂g afyi gbúúl. Bâa n̂g afyi nyí karé, ne Otu mú o/rêe o-shwôm o/chi o-bâ ké kafâ.

⁸ Yeě mu Otu mún mú o/rêe o-shwôm. Óburúkpâbí nké mu Otu mú mu kiǐtí ne busa. Óburúkpâbí mú mu o-kpógê ng byití.

⁹ Bâa n̂g afyi gbúúl. Bâa n̂g afyi nyí karé, ne Otu mú o/rêe o-shwôm o/chi o-bâ ké kafâ.

¹⁰ Yeě mu Otu mún mú o/rêe o-shwôm. Óburúkpâbí mú o/rêe o-shwôm nké mu Otu mú o/rêe o-shwôm.