SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 16 - Bokyi Bible

Nshwam-Obánge

¹ Osówo, ku mě, ké nǎ, me m/bê n-kâm ǒ n/fu, nyii mě.

² Me n/sét Óburúkpâbí n/fu, wo a-chi i Otu Kyítá ejí. Kángkáng byěm ḿbyí byinong ḿbyí me mu ne mbyí byi/fím ké abwô eyên. [

³ Kanong ńké banet ḿbé ba/fé dyityém ké Óburúkpâbí mbe ne nké kaa*nwa eri*.] Kángkáng bunyîn-dyityém ejí mbu ké okyû ne mbé. [

⁴ Banet ḿbé mbe ba-zóngê e ba-kâm m esówo ekíri mbe ba-tut ng afaníkong chwóó ba-kyâ byiko ebe.] Me mm*ba/chi n-kyú ne abwô ké byifen ebe ḿbyí mbe ba-chi i*. Me mm*ba/chi n-kye esówo ebe ofê*.

⁵ Óburúkpâbí, me n*fí ne onet okíri kyi-cibi ne wo kǎnchí* ne wo amu a-kyâ mě kángkáng byěm ḿbyí mu n-ryuu ng. Dyikpen ejí ndyi ké abwô eyên.

⁶ Eyáré eyên nyí amu a-kyâ ee*nwa eri*. Nang ké e/nwa.

⁷ Me mu n-kyâ Óburúkpâbí akpee, ké nǎ, nyǐ nké mu o-kyâ mě bacê, ne dyityém ejí dyi-kpet mě ekuri ekó ne buchú.

⁸ Ké nǎ, Óburúkpâbí mu mě fáráng kángkáng nkéré ne mu mě ké kyicê-bubwô-etyebéng ejí, me nn*róng*.

⁹ Ké bubwô ámbu, dyityém ejí dyi-jêe ng, ne busun ejí bu-kyú u ké bunyîn-dyityém, byiko ejí to byi-bwom m shwanshwan.

¹⁰ Ké nǎ, wo, ǎ Óburúkpâbí, aa*ba/chi a-bángê mě n-jâ ké oshê-bakúsí*. Wo, ǎ Óburúkpâbí, aa*ba/chi a-bángê onet-kyijé eyên o-ri bukyû*.

¹¹ Wo, ǎ Óburúkpâbí, a/chi a-tông mě kiǐfáng ńkyí ndaribi ké dyikpen. Kakyúng eyên fáráng ne me kaa/sú mě ne kiǐtí-ojêe. Ne ochwâp eyên mu o-kyâ bunyîn-dyityém ḿbú ne banyá.