SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 140 - Bokyi Bible

Nshwam-Onyii

¹ Óburúkpâbí, nyii mě ké abwô-byibî-banet. Chi mě n-fem ké abwô nyí bannwa anwa.

² Mbé mbe ba-nam m byibî-byěm kángkáng nkéré, ba-cen n ne ashwôn kángkáng nkéré.

³ Bubyíbabang ebe mbu wǎ byibî-efyi. Byiraa ebe mbyi wǎ dyífa ńdyí kyitáál.

⁴ Óburúkpâbí, *dabángê bambên atyém ba-firi ne busa ne me*. Chi mě n-fem ké abwô nyí bannwa anwa ḿbé mbe ba-nam m ba/fu, me nróng.

⁵ Bantông byiko baa/kuu kaǎtám ba-tî mě. Baa/sím boǒtám ebe ba-fé kyísí, ne baa/kuu boǒtám ké kiǐfáng ḿbú bada mě ekám.

⁶ Me mu n-sét ng Óburúkpâbí n/fu, wo a-chi i Osówo ejí. Óburúkpâbí, jwo bukyû ejí ḿbú mu n-tii ng n/fu, chwáp mě.

⁷ Osówo Óburúkpâbí ejí, Onet-Onyii ejí mú shwanshwan, wo aa/nyii mě ké byití.

⁸ Óburúkpâbí, *dakye bambên atyém ńkyí mbe ba-ryuu ng*. *Dabángê byibî-byěm ebe ḿbyí mbe ba-nam m byi-chi*. [

⁹ *Damîng banet-bushwôn ejí ba-kpógê*.] Chi byibî-byěm ebe ḿbyí mbe ba-nam m mě byi-róng kámbé ké byiko mbé bayén.

¹⁰ Kyi/bát amánge-okwâ aróng kámbé ké byiko. Kyi/bát batwóp kámbé ké dyibíng ńdyí baa*byí to ne banyá*.

¹¹ Kyi/bát banet ḿbé mbe ba-bât ng banet byěm ba*dakpógê*. Kyi/bát byibî-byěm byikám bannwa anwa byi-ju kámbé.

¹² Óburúkpâbí, me mu n-nyît ng n/fu, wo amu a-bwom m banet-kyikpu ké esim, ne aa*bángê ba-ta byěm ḿbyí byi/já banet ḿbé ba*fí ne chwǒm*.

¹³ Banet ḿbé mbe ba-chi i kanong ba/chi ba-kye ǒ akpee ké ntûntû. Ba/chi ba-kpen ké bushú eyên.