SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 14 - Bokyi Bible

Byibî ḿbyí Banet

¹ Enyam-banet e-raa ng ké atyém ebe e/fu, Osówo o*fí nyín*. Azong-banet ámbe kángkáng baa/bên byiko ebe. Mbé baa/chi byibî-byěm ḿbyí bii*nwa eri*. Onet o*fí nang obónge ké burwám ebe mú mu o-chi i kanong*.

² Óburúkpâbí mu áku kyíbóng o-bírî ng achi o-tún n banet kyísí. O/fu, nyǐ o-ri ng â onet mu nang obónge mú mu ne bubong, mú mu o-fâ ǎ.

³ Nké kángkáng banet baa/bírî Osówo esim. Mbé ashí amúmú baa/bên byiko ebe. Onet o*fí nang obónge ké burwám ebe mú mu o-chi i kanong*. Nang obónge o*fí*.

⁴ Óburúkpâbí mu o-raa ng o/fu, banchi byibî ḿbén kángkáng baa*nyît chwǒm*. Bubong bu*fí kámbé*. Mbé mbe ba-kpen n ké banet ejí eju. Mbé baa*fé nshwam ba-kye mě*.

⁵ Nké mbé bushî bu/chi bu-róng kámbé, ké nǎ, Osówo mu ne banet ḿbé mbe ba-chi i ńkyí nyǐ o/sét.

⁶ Mbé ba-kúng ng okabe mú onet-kyikpu ké ayâa, ké nǎ, onet-kyikpu ámu o/fé dyityém emen ké Óburúkpâbí.

⁷ Kyi/bát Óburúkpâbí ofím ne Onet-Onyii ké Záyon o-ba-kye Ézerel. Ké nkéré Óburúkpâbí [o-chîbwa ne kanong o-kye banet emen,] banet ḿbé Ézerel ba/chi ba-kyú ké bunyîn-dyityém.