SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 136 - Bokyi Bible

Okwan-Asǎma ekó

¹ Kó n̂g Óburúkpâbí asǎma, ké nǎ, nyǐ mu kanong, ne ké nǎ, kyijé emen nkyi ne banyá.

² Kó n̂g ǎ nyǐ mú mu kiǐtí o-shwôm kángkáng esówo asǎma, ké nǎ, kyijé emen nkyi ne banyá.

³ Kó n̂g ǎ nyǐ mú o/rêe o-shwôm kángkáng batu asǎma, ké nǎ, kyijé emen nkyi ne banyá.

⁴ Nyǐ kǎnchí nké mu o-chi i biǐtí-akat, ké nǎ, kyijé emen nkyi ne banyá.

⁵ Ké bubong emen nké o/chi bubóng, ké nǎ, kyijé emen nkyi ne banyá.

⁶ Nyǐ o/bi esí ké baya ḿbé baryên, ké nǎ, kyijé emen nkyi ne banyá.

⁷ Nyǐ o/chi óbyísû ne otukáku, ké nǎ, kyijé emen nkyi ne banyá.

⁸ Nyǐ nké o/chi óbyísû o-kyú otu mú dyicí, ké nǎ, kyijé emen nkyi ne banyá.

⁹ Nyǐ nké o/chi otukáku ne ékpére byi-kyú batu ḿbé buchú, ké nǎ, kyijé emen nkyi ne banyá.

¹⁰ Nyǐ o/ju bákpá-bwǎn-banyinchéng ḿbé banet-Éjip, ké nǎ, kyijé emen nkyi ne banyá.

¹¹ Nyǐ o/fîm banet-Ézerel ké Éjip, ké nǎ, kyijé emen nkyi ne banyá.

¹² Nyǐ o/fîm kámbé ké kiǐtí-busa emen, ké nǎ, kyijé emen nkyi ne banyá.

¹³ Nyǐ o/chi baya ḿbé badakó Rêt ba-kyii byicê byifee, ké nǎ, kyijé emen nkyi ne banyá.

¹⁴ Nyǐ o/sí banet emen ba-shwôm ké baya ámbe, ké nǎ, kyijé emen nkyi ne banyá.

¹⁵ Nké nyǐ o/chi otu mú Éjip ne basúja emen ba-jâ ké baya ámbe, ké nǎ, kyijé emen nkyi ne banyá.

¹⁶ Nyǐ o/tông banet emen kiǐfáng ba-shwôm kyikim-dyikán, ké nǎ, kyijé emen nkyi ne banyá.

¹⁷ Nyǐ o/ju batu ḿbé mbe ne busa, ké nǎ, kyijé emen nkyi ne banyá.

¹⁸ Nyǐ o/ju batu ḿbé kiǐtí, ké nǎ, kyijé emen nkyi ne banyá.

¹⁹ O/ju Otu Síhon, mú otu mú Ámon, ké nǎ, kyijé emen nkyi ne banyá.

²⁰ O/ju Otu Ôok, mú otu mú Báshan, ké nǎ, kyijé emen nkyi ne banyá.

²¹ Nyǐ o/koo esí ebe o-kye banet emen, ké nǎ, kyijé emen nkyi ne banyá.

²² O/kye banet-Ézerel ḿbé bǎmgbán emen kányí, ké nǎ, kyijé emen nkyi ne banyá.

²³ Nyǐ o*da bě eráp* ké nkéré mú ba/kpógê bě* ké nǎ, kyijé emen nkyi ne banyá.

²⁴ Nyǐ o/nyii bě ké abwô nyí banet-bushwôn eten, ké nǎ, kyijé emen nkyi ne banyá.

²⁵ Nyǐ mu o-kyâ kángkáng byěm ḿbyí mbyi ne dyikpen byiryíng, ké nǎ, kyijé emen nkyi ne banyá.

²⁶ Kó n̂g Osówo mú kyíbóng asǎma, ké nǎ, kyijé emen nkyi ne banyá.