SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 127 - Bokyi Bible

Byikpee n̂g Kanong ńké Osówo

¹ Â Óburúkpâbí o*da/bi kyise* bǎmkpóngé ḿbé bambi byise mbe dyikáá. Â Óburúkpâbí o*fí o-bám m oshê* bambâm oshê mbe ba-bám m dyikáá.

² Kyi*da/byí chwǒm* ńkyí adajwóbê pirípirí a-rí sáre ne kyirê a/fu, a-chi i bǎmkpóngé eringe adari kyiryíng a-kpen* ké nǎ, Óburúkpâbí mu o-nen n banet ḿbé mbe ba-jê ng ǎ ké nkéré ba-kú ba-rê ng.

³ Óburúkpâbí o-kyâ bě bwǎn, o-jware ng bě ne kiǐtí-eyáré.

⁴ Bwǎn-banyinchéng ḿbé onyinchéng o/fwon ké kyisat emen mbe wǎ abán nyí nnwa byití mu ne nyǐ ké bubwô.

⁵ Bunyîn-dyityém mbu ne onyinchéng mú mu ne azong-abán ányi chwóó. Nyǐ baa*kpógê ǎ ké nkéré oo/kâm banet-bushwôn emen ké esuk*.