SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 125 - Bokyi Bible

Chwǒm kii*ta Banet-Osówo*

¹ Banet ḿbé mbe ba-tî ng dyityém ké Óburúkpâbí mbe wǎ kaku ńké Záyon ńké kaa*nwa eninge ne banyá* ne kaa*nwa eking ne banyá*.

² Wǎ eringe eku e/wâng Jerúsélem, éné to nké Óburúkpâbí mu o-wâng ng banet emen kántîk ne ne banyá.

³ Bambên atyém baa*kyú ké butu kángkáng nkéré ké esí nyí banet ḿbé mbe ba-chi i kanong*. Â mbé ba/kyú, banet ḿbé mbe ba-chi i kanong kakíri ba/chi ba-chi byibî-byěm.

⁴ Óburúkpâbí, chi kanong a-kye banet ḿbé mbe kanong ne ḿbé mbe ba-chi i eringe nyí a/kye busa.

⁵ Nké ké nkéré mú a-kú a-kyâ bambên atyém busông, kye to banet ḿbé mbe ba-né ng akwóp eyên busông. Bunyîn-dyityém bukyú ne Ézerel.