SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 124 - Bokyi Bible

Osówo, Onet-Onyii mú Banet Emen

¹ Ô Ézerel, faa ḿbím mún. Kyi/mû kyi/chi kyi-chi nǎ, â Óburúkpâbí o/mû o*da/bwom ne be*.

² Â Óburúkpâbí o/mû o*da/bwom ne be ké nkéré banet-bushwôn eten ba/rim bunwa ne be*

³ mbé kâng ba/mû ba-myii ng bě bakpó ké kyibî-kafâ esa ebe ne be.

⁴ Ne kiǐsúsú-kace kyi/mû kyi-tut ng bě. Omu o/mû o-cít ng bě.

⁵ Okínkán-oci-kace o/mû o-chi i bě byi-jâ ké kace.

⁶ Bâ n̂g byi-kó Óburúkpâbí asǎma, mú o*da/bángê banet-bushwôn eten ba-ju bě*.

⁷ Be bii/fem wǎ kanurung ńké ka/mû ka/kpú ké kaǎtám. Kaǎtám kaa/bên, ne be bii/fem.

⁸ Ochwâp eten mu o-fím m ne Óburúkpâbí mú o/chi bubóng ne esí.