SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 122 - Bokyi Bible

Byikpee n̂g Oshê mú Jerúsélem

¹ Me m/mû ké bunyîn-dyityém ké nkéré ba/sét mě ba/fu, bâ byi-dim ké kyise ńkyí Óburúkpâbí.

² Kántîk, be byi/firi nyín cip ké kafâ-Jerúsélem.

³ Óburúkpâbí oo/bwât kámú o-tî ké kyikit kyibónge kerededet.

⁴ Nyín nké byikû-banet ḿbyí Ézerel mbyi byi/bâ byi/fu, mbyí byi-bâ byi-ba-kó Óburúkpâbí asǎma wǎ eringe byije emen byi/sét.

⁵ Nyín nké batu ḿbé Ézerel ba/kyú ba-pan banet ebe bampan.

⁶ Fé n̂g nshwam ba/fu, Jerúsélem okyú ké bunyîn-dyityém, ba/fu, kyi/bát banet ḿbé Jerúsélem mu o-jê ng kámbé bajá ńkyí mbe ba-ryuu ng.

⁷ Kyi/bát bunyîn-dyityém bukyú ké kafâ-Jerúsélem, ne kyibî-chwǒm kii*ba/chi kyi-ta kyibám-butu emen*.

⁸ Ké bubwô ḿbú bwǎn-bané ejí ne bacín ejí nké mu n-sét ng Jerúsélem n/fu, bunyîn-dyityém bukyú ne wo.

⁹ Ké bubwô ḿbú kyise ńkyí Osówo Óburúkpâbí eten nké me mu n-fâ nshwam n/fu, kyú kanong.