SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 12 - Bokyi Bible

Nshwam-Ochwâp

¹ Óburúkpâbí, chwáp bě. Onet mú onong o*fí to nang obónge*. Aa*man to eri onet nang obónge mú mu ne dyityém wááng*.

² Mbé kángkáng ba-sét ng barî byisédéng. Ba-nîm m barî ne akpee.

³ Ô Óburúkpâbí, cít kámbé bubyíbabang-akpee ámbu. Cít kámbé ecím-byiko etông ányi nyí nyi e-raa ng e/fu,

⁴ be byi-já ng nang ebóng ńkyí byimu byi-ryuu ng ké ejá eten. Be byi/chi byi-raa nang ebóng ńkyí nkyi kyi-nyîn n bě. Onet o*fí mú oda bě enye*.

⁵ Óburúkpâbí o/raa o/fu, nké kántîk me n/chi m-bâ, ké nǎ, ba-kú ba-cít ng banet-kyikpu, ne banet ḿbé banet mbe ba-kyâ kámbé busông mbe ba-byâ ké bubân. Me n/chi n-kye kámbé kyikit-dyirem ńkyí mbé mbe ba-ryuu ng.

⁶ Onet o-man etî dyityém ké ecím nyí Óburúkpâbí o/ryí. Nyǐ nyi wǎ syílyíba mú ba/fé ké kafâ-okwâ kampén káchâtkányi ba-chi kámú o-cé kpárám.

^7-8 Bambên atyém mbe kángkáng byikit, ne nang yeě mu o-kpee ng ńkyí nkyi kyibî. Ô Óburúkpâbí, *dabángê kyibî-chwǒm kyi-ta bě nang nkéré orá*. *Dabángê azong-banet ányi a-ta bě*.