SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 114 - Bokyi Bible

Okwan-Dyijî-Kyifen ńkyí Shwôm

¹ Ké nkéré banet ḿbé Ézerel ba/mîng Éjip, ké nkéré bwǎn-Jekôp ba/mîng oshê ámu mú o*fí mú be*

² banet-Júda ba/firi banet ḿbé banong ḿbé Óburúkpâbí, banet-Ézerel ba/firi banet ḿbé emen nyǐ oyén.

³ Baya ḿbé badakó Rêt ba/kan achi ba-chêe. Kace ńké Jódan ka/mîng esen.

⁴ Eku nyí e/nyâam e/nyíp e-cim wǎ ebû, ecím-eku e-pyiryi kyíbóng wǎ bwǎn-ebû.

⁵ Baya, ebóng kyi/chi ne wo a-chêe. Ne wo, ǎ kace ńké Jódan, ebóng ńkyí a/mîng esen.

⁶ Ben, ǎ eku nyí e/nyâam, ebóng ńkyí ben ba/nyíp ba-cim wǎ ebû. Ben, ǎ ecím-eku, ebóng ńkyí ben ba/pyiryi kyíbóng wǎ bwǎn-ebû.

⁷ Tím m̂ banê, ǎ ejíí, ké bushú ḿbú Osówo Óburúkpâbí mú Jekôp,

⁸ mú mu o-yángê e aká a-firi biǐdé-omu, ne aká nyí shwaneshwane a-firi booce ḿbú budasen.