SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 112 - Bokyi Bible

Bunyîn-Dyityém ḿbú Onet mú Onong

¹ Kpee n̂g Óburúkpâbí. Bunyîn-dyityém mbu ne onet mú mu o-kyâ Óburúkpâbí ofê, mú mu ne kyijé ké byije emen etî.

² Bwǎn ḿbé onet mú onong ba/chi ba-kyú biǐtí-banet ké esí ńnyín. Osówo o/chi o-jware kyikû-banet emen.

³ Kyikû-banet emen ba/chi ba-já esang ba-kyú banfang-banet, ne nyǐ ka/chi ka-nwa ǎ ne banyá.

⁴ Kiinwángé kyi-san n banet ḿbé banong ké kyifip ne ḿbé mbe ba-ri ng banet bafip, ḿbé ba/cángê dyityém ne ḿbé baa*ryí acît*.

⁵ Bunyîn-dyityém mbu ne onet mú o/cángê dyityém mú mu o-pwoo ng banet akpuga ne bunyîn-dyityém, mú mu ne dyityém wááng ké bǎmkpóngé emen.

⁶ Onet mú onong oo*róng ne banyá*. Nyǐ ba-zîim m ǎ kángkáng nkéré.

⁷ Nyǐ o*fí o-shî ng ejwo [byibî-bachê* ḿbé ba/chi ba-sét ǎ*.] Dyityém emen ńdyí o/fé ne Osówo ndyi shwaneshwane, ne nyǐ mu o-tî ng kándyí ké Óburúkpâbí.

⁸ Ofong o*fí o-két ng ǎ* o-shî nang oshî* tete ba-kpógê banet-bushwôn emen.

⁹ Nyǐ mu o-yárê ng banet-kyikpu akpuga chwóó, ne dyityém emen ecángê dii*man ne banyá*. Nyǐ o/chi o-kyú ne busa ne ofê.

¹⁰ Bambên atyém ba-ri ng ńkyín ka-kpet kámbé esa. Mbé ba-tún n ǎ achi ne dyityém-busa, ba-rím. Okabe ebe oo*kyú to ne banyá*.