SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 111 - Bokyi Bible

Bakye Óburúkpâbí Akpee

¹ Kpee n̂g Óburúkpâbí. Me n/chi n-kó Óburúkpâbí asǎma ké burwám-banet emen ne dyityém ejí kángkáng.

² Byěm ḿbyí Óburúkpâbí mu o-chi i mbyi kiǐtí. Kángkáng banet ḿbé byěm ḿbyí Óburúkpâbí mu o-chi i mbyi byi-nyîn n kámbé mbe ba-ryuu ng ba/fu, mbé banyît kyikû.

³ Kángkáng byěm ḿbyí nyǐ mu o-chi i mbyi ne ofê ne butu. Kanong emen echi ka-waa ng ne banyá.

⁴ Óburúkpâbí o*fí o-mîng ng bě byi-ráp biǐtí-byěm emen ḿbyí mu o-chi i*. Nyǐ o/cángê dyityém, ne mu o-ri ng banet bafip.

⁵ Nyǐ mu o-kyâ banet ḿbé mbe ba-kyâ ǎ ofê byiryíng. Nyǐ o*fí o-ráp ng ocím emen mú o/ryí ne banyá*.

⁶ Nyǐ oo/tông banet emen busa emen ké nkéré mú nyǐ o/kye kámbé esí nyí bacinbánet.

⁷ Nyǐ mu o-tî ng ocím emen mú o/ryí ne oo*ryí acît ké kángkáng byěm ḿbyí nyǐ mu o-chi i*. Byije emen kángkáng byi/kwárê ḿbyí badatî dyityém ké mbyí.

⁸ Mbyí byi-waa ng ne banyá, ne [o/kye kámbyí] ké bubwô ḿbú ntûntû ne ḿbú kanong echi.

⁹ Nyǐ o/chi banet emen ba-firi ké byiko ebe, ne o/ryí kámbé ocím o-sem byiko emen. Dyizîn emen dyi/rêe, ne ndyi kanong. [

¹⁰ Óburúkpâbí eshî ányi kiimkpet kyikû-bubong.] Nyǐ mu o-chi i kángkáng banet ḿbé mbe ba-tî ng byije emen ba-kyú ne okabe mú onong. Bakye ǎ akpee ne banyá.