SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 11 - Bokyi Bible

Dyityém efé ké Óburúkpâbí

¹ Me n/fé dyityém ejí ké Óburúkpâbí n/fu, oku mě. Wo amu enyam kanong kanong mú ada mě esét a/fu, byí [wǎ kanurung a-dim kyíbóng-eku.]

² Ké nǎ, bambên atyém baa/sep báre ebe ne baa/tông abán ebe eringe badaché banet ḿbé banong ké kyifip.

³ Chwǒm kyi*fí ńkyí onet mú onong odaman echi* ké nkéré kángkáng byěm bii/bên*.

⁴ Óburúkpâbí mu ké kafâ-kiǐtí-kyise-kyifen emen echi ńkyí ociring. Nyǐ mu ne kakyúng-butu emen kyíbóng. Nyǐ mu o-tún n banet ké kángkáng byikit ne mu o-nyît ng ńkyí mbé mbe ba-chi i.

⁵ Nyǐ mu o-kpúrî ng banet ḿbé banong ne bambên atyém eringe ebónge. Nyǐ mu o-sa ng kafâ ne dyityém emen kángkáng kyi-kim ne banet ḿbé baa*tî byije*.

⁶ Nyǐ mu o-pwó ng bambên atyém [amánge-okwâ] ké byiko nyí nyi a-mang ng, ne aká nyí aa/mang a-bwam shéét. Nyǐ mu o-kyâ kámbé busông ne bufú ḿbú mbu bu-bán n.

⁷ Óburúkpâbí mu o-chi i kanong, ne byěm ḿbyí byinong byi-jê ng ǎ. Banet ḿbé mbe ba-chi i kámbyí ba/chi ba-kyú ké bushú emen.