SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 1 - Bokyi Bible

Bunyîn-Dyityém ḿbú Ntûntû

¹ Bunyîn-dyityém mbu ne onet mú o/né bacê ḿbé byibî-banet. Mú o*fí o-kúng ng kyiká-bucen ńkyí banchi byibî* ne oo*cibi ne banet ḿbé badakúng Osówo ké ayâa*.

² Nké byije ḿbyí Óburúkpâbí byi-nyîn n ǎ etî. Ne o-kwâa ng kámbyí buchú ne esû.

³ Nyǐ mu wǎ kyichí ńkyí ba/kwón ké bukô-kace. Kyichí ánkyi kyi-zím m byirim ké ochíchí-nkéré. Ne eshǎan-kyichí ánkyi ee*roo*. Nyǐ oo*róng ké byěm ḿbyí mu o-chi i*.

⁴ Nké byibî-banet ba*fí wǎ dyizong-onet ńdyín nang onyin*. Mbé mbe wǎ boǒmpwǎt-esang-byichí ḿbú bufú mbu bu-tuu ng bu-pwó ng kú.

⁵ Osówo o/chi o-pan byibî-banet kyibî-mpan. Oo*ba/chi o-tî banchi byibî ne banet emen kyikit kyibónge*.

⁶ Ké nǎ, Óburúkpâbí mu o-tún n onet mú mu o-chi i kanong. Nké o-ju ng nchi byibî.