Nómba 26 - Bokyi Bible

Nnyinyěng-Banet epan ḿbé Ézerel

¹ Ké nkéré kyibî-orwôm ánkyi kyi/man, Óburúkpâbí o-raa ne Músis ne Elyǎza o/fu,

² pan ocím-banet ké byikû ké byikû, kyi-fím ké banyinchéng ḿbé baa/byí aje bujam kyi-jâ kyíbóng, ké oshê-Ézerel kángkáng, ḿbé ba/kwárê ké byití enwa.

^3-4 Músis ne Elyǎza ba-chi eringe nyí Óburúkpâbí o/sét kámbé. Ba-kó kángkáng banyinchéng ḿbé biinkóng ámbyi. Mbé kángkáng ba-cibi kyikit kyibónge ké ndege-esí mú Mówep, ké esim-kace ńké Jódan nyí esû edabyí, fáráng ne Jéríku. Ocím-banet ḿbé ba/dim ba-mîng Éjip ba/mû něen.

⁵ Ké kyikû-banet ńkyí Rúben mú o/mû mbwôp kashú-wǎn mú Jekôp, byikim-banet emen byi/mû Hánok ne Pálu

⁶ ne Hézoron ne Kámyi.

⁷ Byikim-banet ḿbyín byi/mû ne égot-banyinchéng etánge etánge ké bajam-byikit bafee esim byichât ne égot-banet echât ne bajam nyâchât esim-banet diǐkpú.

⁸ Bwǎn ḿbé Pálu ba/mû Élyap

⁹ ne bwǎn emen, Némwel ne Datân ne Ábyíram. Datân ne Ábyíram nké ba/mû banet ḿbé kángkáng banet ba/cá. Mbé ba/bírî bunwa ne Músis ne Éron ba-da-cibi ne banet ḿbé ba/bángê ne Kóra, ké nkéré ba/bírî bunwa ne Óburúkpâbí.

¹⁰ Esí e/járê e-myii kámbé, ne mbé ba/kpú ne Kóra ne banet emen ké kyikû, ké nkéré okwâ o/mang o-ju égot-banyinchéng ebónge ne bajam-banet bafee esim diǐkpú. Mbé ba/firi wǎ chwǒm ńkyí badakuri banet-Ézerel ekó.

¹¹ Nké bwǎn ḿbé Kóra ba*da/kpú*.

¹² Ké kyikû-banet ńkyí Syímyon, byikim-banet emen byi/mû Némwel ne Jámin ne Jákin

¹³ ne Zéra ne Shôl.

¹⁴ Byikim-banet ḿbyín byi/mû égot-banyinchéng etánge etánge ké byikit bujam ne byifee esim-égot ebónge.

¹⁵ Ké kyikû-banet ńkyí Gât, byikim-banet emen byi/mû Zéfon ne Hágyi ne Shúnyi

¹⁶ ne Ózenyi ne Erí

¹⁷ ne Árot ne Arélyi.

¹⁸ Byikim-banet ḿbyín byi/mû ne égot-banyinchéng etánge etánge ké bajam-byikit bafee esim-égot efee ne bajam batánge.

^19-21 Ké kyikû-banet ńkyí Júda, byikim-banet emen byi/mû Shíla ne Pérez ne Zéra ne Hézoron ne Hámul. Bwǎn ḿbé Júda ashí afee ḿbé banyinchéng, Êe ne Ónan, ba/mû baa/kpú nyáá ké esí nyí Kínan.

²² Byikim-banet ḿbyín byi/mû ne égot-banyinchéng etánge etánge ké bajam-byikit bachât esim-byikit onyiryiká ne din ne égot-banyinchéng efee esim-bajam batánge.

²³ Ké kyikû-banet ńkyí Ézaka, byikim-banet emen byi/mû Tóla ne Pwâ

²⁴ ne Jáshup ne Shímoron.

²⁵ Byikim-banet ḿbyín byi/mû ne égot-banyinchéng etánge etánge ké bajam-byikit bachât esim-byikit byinyii ne égot-banyinchéng ebónge ne bajam-banyinchéng batánge.

²⁶ Ké kyikû-banet ńkyí Zébélon, byikim-banet emen byi/mû Séret ne Élon ne Jálel.

²⁷ Byikim-banet ḿbyín byi/mû ne égot-banyinchéng etánge etánge ké bajam-byikit bachât ne égot-banyinchéng efee esim-bajam-banyinchéng batánge.

²⁸ Ba/pan to byikû-banet ḿbyí Manáse ne Éferem ḿbé ba/mû bwǎn ḿbé Josêf ḿbé banyinchéng.

²⁹ Ké kyikû-banet ńkyí Manáse, Mákyi mú wǎn-Manáse o/mû bonchí mú Gyílet, ne byikim-banet ḿbyín byi/mû byi/fím ne Gyílet,

³⁰ Éze ne Hélek

³¹ ne Áserel ne Shékem

³² ne Shémyida ne Héfe

³³ ne Zélófahat mú wǎn-Héfe o/mû o*fí ne wǎn-onyinchéng* nké o/mû ne bwǎn-banyinyi mbé mbe. Mbé ba/mû ba-bángê e Mála ne Núwa ne Hógala ne Myíka ne Tyíza.

³⁴ Byikim-banet ḿbyín byi/mû ne égot-banyinchéng etánge etánge ké bajam-byikit bafee esim diǐkpú ne byifee ne égot-banyinchéng echât esim bajam-banyinchéng batánge.

³⁵ Ké kyikû-banet ńkyí Éferem, byikim-banet emen byi/mû Shútela ne Béke ne Táhan.

³⁶ Kyikim-banet ńkyí Éran kyi/mû kyi/fím ne Shútela.

³⁷ Byikim-banet ḿbyín byi/mû ne égot-banyinchéng etánge etánge ké byikit bujam esim diǐkpú ne byifee ne égot-banyinchéng efee esim bajam batánge. Byikim-banet ḿbyín byi/fím ké kyikû ńkyí Josêf.

³⁸ Ké kyikû-banet ńkyí Běnjámin, byikim-banet emen byi/mû Béla ne Ashíbel ne Ahíram

³⁹ ne Shefúfam ne Húfam.

⁴⁰ Byikim-banet ḿbyí Árat ne Náman ba/mû ba/fím ne Béla.

⁴¹ Byikim-banet ḿbyín byi/mû ne égot-banyinchéng etánge etánge ké bajam-byikit bafee esim-byikit byitánge ne égot-banyinchéng echât.

⁴² Ké kyikû-banet ńkyí Dǎn, kyikim-banet ńkyí Húshim

⁴³ kyi/mû ne égot-banyinchéng etánge etánge ké bajam-byikit bachât esim-byikit byinyii ne égot-banyinchéng efee.

⁴⁴ Ké kyikû-banet ńkyí Ásha, byikim-banet emen byi/mû Émana ne Eshíbyi ne Beryâ.

⁴⁵ Byikim-banet ḿbyí Hébe ne Makyêl ba/mû ba/fím ne Beryâ.

⁴⁶ Ásha o/mû ne wǎn-onyinyi mú odabángê Será.

⁴⁷ Byikim-banet ḿbyín byi/mû ne égot-banyinchéng etánge etánge ké bajam-byikit bafee esim-byikit diǐkpú ne byichât ne égot-banyinchéng efee.

⁴⁸ Ké kyikû-banet ńkyí Nafatályi, byikim-banet emen byi/mû Jazêl ne Gúnyi

⁴⁹ ne Jéza ne Shílem.

⁵⁰ Byikim-banet ḿbyín byi/mû ne égot-banyinchéng etánge etánge ké bajam-byikit bafee esim-byikit byitánge ne égot-banyinchéng efee.

⁵¹ Ocím-banyinchéng-Ézerel kángkáng kangkang o/mû égot-banyinchéng etánge etánge ké égot-byikit echât esim-banyinchéng nyíryinyi ne bajam-banyinchéng nyâchât esim-banyinchéng diǐkpú.

⁵² Óburúkpâbí o-raa ne Músis o/fu,

⁵³ kyii esí nyí Kínan a-kye byikû-banet-Ézerel kyi-tyeem ne eringe kyikû nang kyirá kyi/jê.

^54-56 Kyii esí ányi ké ámám etwóp, a-kye kyikû-banet ńkyí kyi/rêe kyikim ńkyí kyi/rêe, a-kye ńkyí kyi*da/rêe* kyikim ńkyí kyi*da/rêe*.

⁵⁷ Kyikû-banet ńkyí Lyíva kyi/mû ne byikim-banet ḿbyí Géshon ne Kóhat ne Merári.

⁵⁸ Bwǎn ebe ba/mû byikim-banet ḿbyí Lyíbyinyi ne Héboron ne Mahályi ne Múshi ne Kóra. Kóhat o/mû bonchí-Amáram,

⁵⁹ mú o/mû o-bé ng wǎn-Lyíva mú onyinyi, mú odabángê Jókebet, mú ba/mû ba/fwon ǎ ké Éjip. Nyǐ o/fwon Amáram bwǎn bafee, Éron ne Músis ne wǎn-onyinyi obónge mú odabángê Myíryam.

⁶⁰ Éron o/mû ne bwǎn-banyinchéng ashí anyii, Nádap ne Abyíhu ne Elyǎza ne Étama.

⁶¹ Nádap ne Abyíhu ba/kpú ké nkéré mbé ba/kye Óburúkpâbí eyáré-okwâ nyí Óburúkpâbí o/mû o*da/sét kámbé o/fu, bakye ǎ*.

⁶² Ocím-bwǎn-banyinchéng ḿbé Lyíva, ḿbé ba/mû baa/byí kyi-fím ké otukáku obónge kyi-jâ kyíbóng o/mû égot etánge etánge ké byikit bujam esim byichât. Ba/sáng kámbé azîn nyí ebe cát, ké nǎ, ba*da/kye kámbé esí nang ebónge* ké Ézerel*.

⁶³ Músis ne Elyǎza nké ba/sáng azîn-byikim-banet ḿbyín kángkáng ké nkéré mbé ba/pan ocím-banyinchéng-Ézerel, ké ndege-esí mú Mówep, ké esim-kace ńké Jódan nyí esû edabyí, fáráng ne Jéríku.

⁶⁴ Onet nang obónge o*da/waa okpó* ké burwám-banet ḿbé Músis ne Éron ba/mû ba/sáng azîn ebe kyísí* ké mbwôp kashú-banet epan* ké kyikim-dyikán ńkyí kaku ńké Sána*.

⁶⁵ Óburúkpâbí o/mû o/raa o/fu, mbé kángkáng ba-man ba-kpú ké kyikim-dyikán. Ne mbé kángkáng ba/kpú, kyi*da/shwôm Kálep mú wǎn-Jéfúne* ne Jóshwa mú wǎn-Nûn*.