Nehemyâ 11 - Bokyi Bible

Banet ḿbé ba/kyú ké Jerúsélem

¹ Banet-ashí ḿbé banet-Ézerel ba/jê ké Jerúsélem, ne banet ḿbé áku kángkáng ba/twóp ámám eringe nyí mbé badafîm kyikû-banet kyibónge ké byikû diǐkpú ḿbyí byidakûkyú ké oshê-Jerúsélem mú o/já Osówo, banet ḿbé áku ba-kyú ké eshê nyí áku.

² Banet-Ézerel ba/kpee nang yeě mú o/bángê edakyú ké Jerúsélem.

³ Ké eshê nyí áku, banet-Ézerel ne banchi kyifen-Osówo ne bǎmgbán-nchi kyifen-Osówo ne banet-bǎmkpóngé-kiǐtí-kyise-kyifen-Osówo echi ne bwǎn ḿbé bǎmgbán-Otu Sólómon ba/kyú ké eshê nyí ebe ké esí nyí ebe mbé bayén. Nyín něen azîn-biǐtí-banet ḿbé ba/fím ké kyikim-esí ńkyí Júda, ḿbé ba/kyú ké Jerúsélem.

⁴ Banet ḿbé ba/fím kyikû-banet ńkyí Júda ba/mû Atáya mú wǎn-Ozáya, mú wǎn-Zákaryâ. Banchí emen bakíri ḿbé kpákpá ba/mû ba-bángê e Amaryâ ne Shefátya ne Mahalálel ḿbé bwǎn-Pérez mú wǎn-Júda.

⁵ Ba/mû to Masáya mú wǎn-Báruk, mú wǎn-Kolóze. Banchí emen bakíri ḿbé kpákpá ba/mû ba-bángê e Hazáya ne Adyâ ne Jwârip ne Zákaryâ ḿbé bwǎn-Shíla mú wǎn-Júda.

⁶ Ké bwǎn ḿbé Pérez, égot-biǐtí-banet efee ne bajam-banet bachât esim-banet nyíryinyi ba/kyú ké Jerúsélem.

⁷ Banet ḿbé ba/fím kyikû-banet ńkyí Běnjámin ba/mû Sálu mú wǎn-Meshúlam mú wǎn-Jówet. Banchí emen bakíri ḿbé kpákpá ba/mû ba-bángê e Pedáya ne Koláya ne Masáya ne Élyel ne Jesháya.

⁸ Ba/mû to Gabyâ ne Salyâ ḿbé ba/fím dyibóng ne Sálu. Banet ḿbé Běnjámin ḿbé ba/kyú ké Jerúsélem ashí kángkáng ba/mû égot enyii ne bajam-banet nyâchât esim-banet nyíryinyi.

⁹ Jówel mú wǎn-Zíkiri o/mû kámbé onet-dyishí, ne Júda mú wǎn-Hasénwa o/mû nnyinyěng-onet-dyishí-bǎmkpóngé-okákárá ké Jerúsélem.

¹⁰ Banchi kyifen-Osówo ba/mû Jedáya mú wǎn-Jwârip ne Jákin

¹¹ ne Seráya mú wǎn-Hyíkya mú wǎn-Meshúlam. Banchí emen ḿbé kpákpá ba/mû Zádok ne Méreyot ne Ahítup, mú o/mû otu-nchi kyifen-Osówo.

¹² Kángkáng banet ḿbé ba/fím kyikû-banet ńkyín ḿbé ba/mû ba-chi i bǎmkpóngé ké kiǐtí-kyise-kyifen-Osówo echi ba/mû égot enyii ne banet bujam esim bafee. Ba/mû to Adyâ mú wǎn-Jeróham mú wǎn-Pelalyâ. Banchí emen ḿbé kpákpá ba/mû ba-bángê e Ámaze ne Zákaryâ ne Páshu ne Makyíja.

¹³ Banet ḿbén ashí kángkáng ba/mû égot ebónge ne bajam-banet bafee esim-banet bafee ḿbé kyikû-banet ńkyín ḿbé ba/mû banet-ashí-byikû-banet. Ba/mû to Amashasáya mú wǎn-Azárel mú wǎn-Azáya. Banchí emen ḿbé kpákpá ba/mû ba-bángê e Meshílémot ne Éma.

¹⁴ Banet ḿbé ba/fím kyikû-banet ńkyín ba/mû basúja ḿbé ba/byí dyizîn. Onet-dyishí ebe o/mû o-bángê e Zabadyêl, [mú o/mû ké kyikû-dyibóng ńkyí kiǐtí.]

¹⁵ Bǎmgbán-nchi kyifen-Osówo ba/mû Shemáya mú wǎn-Háshup mú bonchí emen mú kánkán o/mû o-bángê e Azaryíkam. Banchí emen ḿbé kpákpá ba/mû ba-bángê e Hashabyâ ne Búnyi.

¹⁶ Ba/mû to Shabetyâ ne Józábat ḿbé ba/mû banet-ashí-bǎmgbán-nchi kyifen-Osówo ḿbé bǎmkpóngé ḿbé esim-kiǐtí-kyise-kyifen-Osówo echi nyí kyíjí ba/já kámbé.

¹⁷ Ba/mû to Matanyâ mú wǎn-Máka mú wǎn-Zábadyi, mú o/fím ké kyikû ńkyí Ásap. Nyǐ nké o/mû onet-dyishí-bankim ane ḿbé kiǐtí-kyise-kyifen-Osówo echi ké okwan-asǎma ekó ekwán. Ba/mû to Bakabukyâ mú o/mû o/nye Matanyâ abwô ké esim. Ba/mû to Ábida mú wǎn-Shámwa mú wǎn-Gálal, mú onet-kyikû ńkyí Jédutun.

¹⁸ Ocím-bǎmgbán-nchi kyifen-Osówo kángkáng ḿbé ba/kyú ké oshê-Jerúsélem mú o/já Osówo o/mû égot ebónge ne bajam-banet banyii esim-banet banyii.

¹⁹ Banet ḿbé ba/mû ba-bám m kiǐtí-kyise-kyifen-Osówo echi ba/mû Ákup ne Támon ne bwǎn-banet ebe. Mbé kángkáng ba/mû bajam-banet nyíryinyi esim-banet diǐkpú ne bafee.

²⁰ Banet-Ézerel ne banchi kyifen-Osówo ne bǎmgbán-nchi kyifen-Osówo ḿbé ba/waa ba/kyú ké eshê nyí áku ké Júda ké esí nyí ebe mbé bayén.

²¹ Banet-bǎmkpóngé-kiǐtí-kyise-kyifen-Osówo echi ba/kyú ké kyicê ńkyí Jerúsélem ńkyí ba/mû ba-kó ng Ófel, ne Zíha ne Gyíshipa nké ba/mû kámbé banet-ashí.

²² Onet-dyishí-bǎmgbán-nchi kyifen-Osówo ḿbé ba/mû ba-kyú u ké Jerúsélem o/mû Óze mú wǎn-Bányi, mú wǎn-Hashabyâ. Banchí emen ḿbé kpákpá ba/mû Matanyâ ne Máka, ne nyǐ o/fím kyikû-banet ńkyí Ásap ńkyí kyi/mû kyikû-banet ńkyí ekwan nyí ofê ekye ké kiǐtí-kyise-kyifen-Osówo echi ńkyí ba/mû ba-fîm m bankim ane ké nkyí.

²³ Otu Dívit o/mû o/tî byije ḿbyí byi/mû byi-tông ng eringe kyikû-banet ne kyikû-banet kyi/chi kyi-kûkwán ekwan ké kiǐtí-kyise-kyifen-Osówo echi ké dyicí ké dyicí.

²⁴ Petáya mú wǎn-Meshezábel, mú o/fím kyikû-banet ńkyí Zéra ne ńkyí Júda o/bwom ké dyishí ńdyí banet-Ézerel ké kyibám-butu ńkyí otu mú Pésha.

Banet ḿbé mbe ké Eshê nyí áku

²⁵ Banet-Ézerel chwóó ba/kyú ké eshê nyí e/mû fáráng ne byifát ebe. Banet ḿbé ba/fím kyikû-banet ńkyí Júda ba/kyú ké Kyíryat-Ába ne Dyíbon ne Jekabazêl ne ké boǒshê ḿbú bu/fárâng eshê ńnyín.

²⁶ Mbé ba/kyú to ké eshê nyí Jéshwa ne Moláda ne Bét-Pélet

²⁷ ne Háza-Shwâl ne Byíshíba ne boǒshê ḿbú bu/wâng Byíshíba.

²⁸ Mbé ba/kyú to ké oshê mú Zíkalak ne Mekóna ne ashí-eshê emen,

²⁹ ne Nryímon ne Zóra ne Jámut

³⁰ ne Zánwa ne Adúlam ne boǒshê ḿbú bu/fárâng eshê ńnyín. Mbé ba/kyú to ké Lákyishi ne byifát ḿbyí byi/fárâng kámú ne Azéka ne boǒshê emen. Ányi kyi/byí kyi/fu, banet ḿbé Júda ba/kyú ké esí nyí otyém ne otyém-oshê-Byíshíba mú mu ké kyicê ńkyí busyísen ne owo mú Hyínom ké kyicê ńkyí bushûyû.

³¹ Banet ḿbé ba/fím kyikû-banet ńkyí Běnjámin ba/kyú ké Géba ne Mékyímashi ne Âyi ne Bétel ne boǒshê ḿbú bu/fárâng kányí.

³² Ba/mû to ké Anátot ne Nôp ne Ananyâ

³³ ne Házo ne Ríma ne Gyítyam ne

³⁴ Hádit ne Zébom ne Nébalat ne

³⁵ Lôt ne Onó ne owo mú badakó kámú Banchi Bampwô.

³⁶ Ba/sét byikim-bǎmgbán-nchi kyifen-Osówo byikíri ḿbyí byi/mû bii/kyú ké kyikim-esí ńkyí Júda ba/fu, bakûkyú ne banet ḿbé Běnjámin.