Náhum 2 - Bokyi Bible

Orông mú Nyínyíve

¹ Nyínyíve, ba-kú ba-kyâ ǒ bunwa. Busa ḿbú bu/chi bu-man ne wo boo/bê. Tî n̂g banet ké byikit-mbâm. Bám m̂ bukwóp. Kpá n̂g byiko-byití.

² Ké nǎ, Óburúkpâbí o-kú o-bâ ebwa esim ne butu ḿbú Ézerel bu-firi wǎ eringe nyí bu/mû ne banet-bushwôn emen ba-bên kámbú.

³ Basúja ḿbé banet-bushwôn-Nyínyíve ba/níbî édem nyí shétshét ba-fé to byidóng-byití ḿbyí shétshét. Mbe ba-kpá ng byiko ḿbyí badakye bunwa. Bamútu ebe ḿbé bubyî-orá budatut mbe ba-két ng kasabang wǎ okwâ. [Bubyî-orá] ebe bu*fí to bu-man n ekám byiko*.

⁴ Bamútu ḿbé bubyî-orá budatut mbe ba-cen n ké byiká-oshê, ba-yú u oyǔng, ba-shû ng oshǔng ké otyém-oshê. Mbe ba-san n wǎ okwâ, ba-két ng wǎ kasabang. [

⁵ Ba-kú ba-kó ng banet-ashí-basúja ba-bâ kyikit kyibónge, ne nang yeě mu o-ryuu ng o/fu, nyǐ o-bwóp ng kashú.] Ba-kú ba-zóngê e ba-bâ ké ekpe nyí e/wáp oshê e-fé ké kafâ, ne ba-kú ba-yip ng édem nyí eryên ba-fárâng ng ekpe.

⁶ Afyi nyí a/fárâng ne kace aa/bâa. Bushî boo/róng ké kyibám-butu.

⁷ Baa/kám onyi-otu ba-dim ne nyǐ. Bǎmgbán emen ba-kú ba-tii ng wǎ burúú, ba-díp ng abwô ké kakim ké bafip. [

⁸ Banet ḿbé oshê mú Nyínyíve baa/pwôo byiryibyiryi wǎ baya ḿbé baa/sú]. Mbe ba-kó ng kámbé ba/fu, bwom m̂, nké onet o*fí mú o/bwa esim*.

⁹ Yip n̂g basyílyíba, yip n̂g bagûl. Esang ee/sú ké oshê mún.

¹⁰ Baa/bên Nyínyíve, banet baa/chêe ké mǔ ne oo/waa kafâ dyikáá. Atyém aa/kyee ké bushî, arông a-kú a-tím m kámbé banê, busa boo/man kámbé, bashú baa/kpú.

¹¹ Oshê mún mu nyá kántîk, mú o/mû wǎ bucim-ekpang ḿbú ekpang edanen bwǎn emen. Kyikit ńkyí otyép ne buma-ekpang badanung, chwǒm kii*ta bwǎn ebe*.

¹² Ekpang e/ju enyam, e-ját kányí boǒcê boǒcê e-kye óbe ne bwǎn emen, e-yip boǒcê bukíri e-fé ké bucim emen.

¹³ Óburúkpâbí mú o/rêe o-shwôm o/raa ne Nyínyíve o/fu, me n-chi i onet-bushwôn enen. N/chi n-shí bamútu enen ḿbé bubyî-orá budatut. N/chi n-ju basúja enen ké byití, ne n/chi n-kúng kángkáng byěm ḿbyí ben ba/koo ne banet. Banet baa*ba/chi ba-chîjwo kyi-kim ne busa enen ké ejíí*.