Jóshwa 19 - Bokyi Bible

Esí nyí ba/kyii ba-kye Syímyon

¹ Nnyinyěng-esí nyí ba/kyii, ba/kyii ba-kye banet ḿbé ba/fím ké kyikû ńkyí Syímyon. Esí ebe e/yage tete e-nung ké esí nyí ba/kyii ba-kye banet ḿbé ba/fím ké kyikû ńkyí Júda.

² Esí ányi e/cít Byíshíba ne Shéba ne Moláda

³ ne Háza-Shwâl ne Bála ne Ézem

⁴ ne Etólat ne Bétul ne Hóma

⁵ ne Zíkalak ne Bét-Makábot ne Háza-Súsa

⁶ ne Bét-Líbat ne Sháruhen. Eshê emúmú diǐkpú ne echât, cibicibi ne boǒshê ḿbú bu/wáp kányí bu-fé ké kafâ.

⁷ Eshê to wǎ Âan ne Ryímon ne Éta ne Áshan e/mû ányi. Eshê emúmú enyii, cibicibi ne boǒshê ḿbú bu/wáp kányí bu-fé ké kafâ.

⁸ Ńkyín kyi/cibi ne kángkáng boǒshê ḿbú bu/wáp eshê ńnyín bu-fé ké kafâ, tete kyi-ribi Bálat-Byê, oshê mún ba-kó ng kámú to Ríma, mú mu ké kyicê ńkyí busyísen. Nyín něen esí nyí banet ḿbé ba/fím ké kyikû ńkyí Syímyon ba/koo e-firi nyí ebe.

⁹ Ké bubwô ḿbú esí nyí ba/kye Júda e/mû e/jang ejê e-shwôm, kyicê-esí emen ba/yip ba-kye banet ḿbé ba/fím ké kyikû ńkyí Syímyon.

Esí nyí ba/kyii ba-kye Zébélon

¹⁰ Nnyinyěng-esí ké byikit byichât nyí ba/kyii, ba/kyii ba-kye banet ḿbé ba/fím ké kyikû ńkyí Zébélon. Esí nyí ba/kye kámbé e/ribi Sárit.

¹¹ Kyi-fím ányi ké Sárit, buti bu/bírî bu-jâ kyicê ńkyí esû edaríbî e-jâ ké oshê mú Máral, bu-da-ta Dabéshet ne kace ńké nke ké kyicê-oshê mú Kokanyâm ńkyí esû edabyí.

¹² Ké kyicê-Sárit ńkyí áku, buti bu/bírî ké kyicê ńkyí esû edabyí, ké buti ḿbú ké Kyísilot-Tábo, bu-bírî kâng bu-jâ Dábarat, tete bu-ribi ké Jáfya.

¹³ Bu-wâa éné ké kyicê ńkyí esû edabyí kyi-fím ányi ké oshê ámu bu-wâa Gât-Héfe ne Etakázin, bu-pín bu-jâ ké kyicê ńkyí Nyâ ké bukwóp ḿbú budajé Ryímon.

¹⁴ Ké kyicê ńkyí bushûyû bu/bírî kashú ḿbú oshê mú Hánatan, bu-da-kúlî ké owo mú Éfatahel.

¹⁵ Buti ámbu bu/cít Kátat ne Nahálal ne Shímoron, ne Édala ne Bételehêm. Eshê emúmú diǐkpú ne efee, cibicibi ne boǒshê ḿbú bu/wáp kányí bu-fé ké kafâ.

¹⁶ Eshê ńnyín ne boǒshê ḿbú bu/mû ké nyǐ bu/mû ké esí nyí banet ḿbé ba/fím ké kyikû ńkyí Zébélon ba/koo e-firi nyí ebe.

Esí nyí ba/kye Ézaka

¹⁷ Nnyinyěng-esí ké byikit byinyii nyí ba/kyii, ba/kyii ba-kye banet ḿbé ba/fím ké kyikû ńkyí Ézaka.

¹⁸ Esí ányi e/cít Jézerel ne Késolot ne Shúnam

¹⁹ ne Hafaryâm ne Shwôn ne Anahárat

²⁰ ne Rábit ne Kyíshwon ne Ébez

²¹ ne Rémet ne Ngánim ne Nháda ne Bét-Pázez.

²² Buti ámbu bu/ta to Tábo ne Sháhazúma ne Bét-Shémes, bu-da-kúlî ké Jódan. Buti ámbu bu/cít eshê emúmú onyiryiká ne din, cibicibi ne boǒshê ḿbú bu/wáp kányí bu-fé ké kafâ.

²³ Eshê ńnyín ne boǒshê ḿbú bu/mû ké nyǐ bu/mû ké esí nyí banet ḿbé ba/fím ké kyikû ńkyí Ézaka ba/koo e-firi nyí ebe.

Esí nyí ba/kye Ásha

²⁴ Nnyinyěng-esí ké byikit byitánge nyí ba/kyii, ba/kyii ba-kye banet ḿbé ba/fím ké kyikû ńkyí Ásha.

²⁵ Esí ányi e/cít Hékat ne Hályi ne Béten ne Akyishap

²⁶ ne Álam-Mélek ne Ámat ne Myíshal. Ké kyicê ńkyí esû edaríbî e-jâ, e/ta Kámel ne Shího-Lyíbanat.

²⁷ Ké kyicê ńkyí esû edabyí, buti bu/pín bu-jâ ké Bét-Dágon, bu-ta to Zébélon ne owo mú Éfatahel ké bukwóp ḿbú bushûyû ḿbú oshê mú Bétémek ne Néyel. Bu/wâa éné ké kyicê ńkyí bushûyû bu-ribi Kábul

²⁸ ne Éboron ne Réhop ne Háman ne Kána tete bu-byí Sádon.

²⁹ Bu-bírî kâng ányi bu-jâ Ríma, bu-ribi ké oshê-Táya mú ba/bi ekpe ba-wáp kámú ba-fé ké kafâ. Bu-bírî kâng ányi bu-jâ Hósa bu-da-kúlî ké baya ḿbé Medeterényan. Mbú bu/cít Máhalap ne Ákyizip

³⁰ ne Óma ne Áfek ne Réhop. Eshê emúmú e/mû bujam ne efee, cibicibi ne boǒshê ḿbú bu/wáp kányí bu-fé ké kafâ.

³¹ Eshê ńnyín ne eshê ekíri nyí e/mû ké nyǐ e/mû ké esí ányi nyí banet ḿbé ba/fím ké kyikû ńkyí Ásha ba/koo e-firi nyí ebe.

Esí nyí ba/kyii ba-kye Nafatályi

³² Esí nyí ba/kyii ké byikit nyâchât, ba/kyii kányí ba-kye banet ḿbé ba/fím ké kyikû ńkyí Nafatályi.

³³ Buti emen bu/fím ké Hélep bu-ribi ké kiimbâng-kyichí ńkyí badakó ôok, ńkyí nkyi ké esí nyí Zananim, tete bu-ribi Adamínekep, bu-ribi to Jamanyâ, tete bu-ribi Lákum, bu-da-kúlî ké Jódan.

³⁴ Ányi nké bu/bírî bu-jâ ké kyicê ńkyí esû edaríbî e-jâ, ké oshê mú Ázinot-Tábo, bu-fím ányi bu-ribi Húkok, bu-ta Zébélon ké kyicê ńkyí busyísen ne Ásha ké kyicê ńkyí esû edaríbî e-jâ ne [Jódan] ké kyicê ńkyí esû edabyí.

³⁵ Eshê nyí ba/bi ekpe ba-wáp kányí ba-fé ké kafâ e/mû Zídim ne Zêe ne Hámat ne Rákat ne Kyínéret

³⁶ ne Ádama ne Ríma ne Házo

³⁷ ne Kédeshi ne Édara ne Nházo

³⁸ ne Erón ne Myígyídalel ne Hórem ne Bétánat ne Bét-Shémes. Eshê emúmú onyiryiká ne enyii, cibicibi ne boǒshê ḿbú bu/wáp kányí bu-fé ké kafâ.

³⁹ Eshê ńnyín ne boǒshê ḿbú bu/mû ké esí ányi nké ba/kyii ba-kye banet ḿbé ba/fím ké kyikû ńkyí Nafatályi ba/fu, efiri nyí ebe.

Esí nyí ba/kyii ba-kye Dǎn

⁴⁰ Esí nyí ba/kyii ké byikit káchâtkányi, ba/kyii ba-kye banet ḿbé ba/fím ké kyikû ńkyí Dǎn.

⁴¹ Esí ányi e/cít Zóra ne Eshítwal ne Eshémes

⁴² ne Shábim ne Ájalon ne Étala

⁴³ ne Élon ne Tyína ne Ékoron

⁴⁴ ne Etéke ne Gyíbeton ne Bálat

⁴⁵ ne Jéhut ne Benébérak ne Gât-Ryímon

⁴⁶ ne Mejákon ne Rákon, cibicibi ne esí nyí e/wáp Jópa.

⁴⁷ Ké nkéré mú ba/koo banet-Dǎn esí, mbé ba/dim ba-da-kye banet-Láshi bunwa. Ba-koo oshê ámu ba-ju banet ḿbé ba/mû ányi, oshê ámu o-firi mú ebe. Ba-kûkyú ányi, ba-yángê dyizîn-oshê ámu o-kûbángê Dǎn, ányi mbé ba-kú ba-kó ng kámú ba-tím ne bonchí ebe mú kpákpá.

⁴⁸ Eshê ńnyín ne boǒshê ḿbú bu/mû ké esí ányi nké ba/kyii ba-kye banet ḿbé ba/fím ké kyikû ńkyí Dǎn ba/fu, efiri nyí ebe.

Nryî Esim-Esí nyí ba/kyii

⁴⁹ Ké nkéré mú banet-Ézerel baa/kyii esí e-man, mbé ba/kye Jóshwa mú wǎn-Nûn kyicê-esí to ba/fu, efiri nyí emen.

⁵⁰ Wǎ eringe nyí Óburúkpâbí o/sét, mbé ba/kye ǎ oshê mú nyǐ o/bí o/fu, bakye ǎ. Oshê ámu ba/mû ba-kó ng kámú Tyímanat-Séra, mǔ o/mû ké eshê-Éferem nyí ba/bi ké esí nyí Éferem nyí eku éku. O-bwât oshê ámu o-bi, o-kûkyú ányi.

⁵¹ Elyǎza mú nchi kyifen-Osówo ne Jóshwa mú wǎn-Nûn ne banet-ashí ḿbé byikû-banet-Ézerel ba/kyii byikim-esí ḿbyín ba-kye banet ké dyímám etwóp, eringe nyí badapem ne Óburúkpâbí, ké oshê mú Shílo, ké ocím-dyifyi mú mpyep-kyifen-Óburúkpâbí echi. Ké bukwóp ḿbún nké ba/kúng ne ba-kyii kángkáng esí ányi.