Jóshwa 15 - Bokyi Bible

Esí nyí e/já Júda

¹ Banet ḿbé ba/fím ké kyikû ńkyí Júda ba/koo kyicê-esí ńkyín. Esí ányi e/ribi ké kyicê ńkyí busyísen ńkyí kyikim-dyikán ńkyí Zîn, ké buti ḿbú Édom.

² Buti ḿbú kyicê-busyísen ámbu bu/fím ké kyikit ńkyí bu/kúlî ké baya ḿbé badakó Bukyû,

³ bu-wâa busyísen, kyi-fím ké kyikit ńkyí badayú kaku, ké Ákárabim, tete bu-ribi ké Zîn. Bu-shwôm ké kyicê ńkyí busyísen ńkyí oshê mú Kádyishi-Bánya, bu-shwôm Hézoron bu-jâ Áda, bu-bírî ké kashú ké oshê mú Káka,

⁴ bu-shwôm bu-ribi Ázimon, bu-shû ké kace, ké buti ne Éjip bu-ribi ké baya ḿbé Medeterényan, ányi nké bu/kúlî. Ányi kyicê ńkyí busyísen-buti ḿbú Júda.

⁵ Buti ḿbú ké kyicê ńkyí esû edabyí bu/mû ké baya ḿbé badakó Bukyû. Buti ḿbú kyicê ńkyí bushûyû bu-kpet ányi tete bu-byí ké kyikit ńkyí kace ńké Jódan ka/tîm ké baya ámbe.

⁶ Bu-nere bu-wâa Bét-Hógala bu-yú bu-jâ kyíbóng ké otáng-eku, bu-pyángê owo mú Jódan. Bu-shwôm kâng bu-jâ kyíbóng ké buká ḿbú Búhan. Búhan o/mû wǎn-Rúben.

⁷ Bu-fím ké Owo-Afaníkong bu-yú bu-jâ ké Dyíbyi, ne bu-ríbî kâng bu-jâ bushûyû ké kyicê ńkyí Gyígal, mú bu/bírî kashú ne kyikit ńkyí badayú kaku ké Adúmim, kyicê ńkyí busyísen-owo ámu. Bu-shwôm kâng bu-wâa ké buce ḿbú mbu bu-byí i ké bambwo, ḿbú mbu ké Nshémes, tete bu-ribi ké Nrógel,

⁸ ne bu-shwôm kâng bu-yú bu-jâ kyíbóng ké owo mú Hyínom, ké kyicê ńkyí busyísen-kaku, kyikit ńkyí oshê mú banet-Jébus mú badakó Jerúsélem o/mû. Bu-fím ányi kâng bu-yú bu-jâ kyíbóng-ashí-kaku ké kyicê ńkyí owo mú Hyínom ńkyí esû edaríbî e-jâ, owo mú Réfyam.

⁹ Kyi-fím ányi kâng bu-shwôm bu-wâa ké buce ḿbú mbu bu-byí i ké bambwo, ké oshê mú Néfatwa, ne bu-byí kâng bu-jâ eshê nyí nyi fáráng ne kaku-Éforon. Bu-bírî ányi kâng bu-jâ ḿbú Bála, oshê ámu o-bángê e to Kyíryat-Jérim,

¹⁰ ányi nké bu/wáp Bála ké kyicê ńkyí esû edaríbî bu-fé ké kafâ, ké esí nyí eku éku, ké oshê mú badakó Sêe bu-shwôm bu-dim ḿbú kyicê-bushûyû-kaku ńké badakó Jeryím, kaku ánke ba-kó ng kánké to Késalon, bu-shû bu-jâ kyísí ké oshê mú Bét-Shémes, bu-shwôm Tyína.

¹¹ Bu-fím ányi kâng bu-byí bu-jâ ké kaku, ké kyicê-bushûyû-oshê mú badakó Ékoron, bu-ríbî bu-jâ ḿbú Shíkoron, bu-shwôm kaku ńké Bála, bu-wâa tete bu-ribi Jamanyâ. Bu-da-kúlî ké Medeterényan,

¹² mú mu buti ḿbú kyicê ńkyí esû edaríbî e-jâ. Banet ḿbé ba/fím ké kyikû-dyibóng ńkyí Júda nké mbe ba-kyú u ké kyikim-esí nyí bati ḿbén.

Kálep o/kpógê Banet-Héboron ne ḿbé Dyíbyi

¹³ Wǎ eringe nyí Óburúkpâbí o/sét Jóshwa, nyǐ o/kúng kyicê-esí-Júda o-kye Kálep mú wǎn-Jéfúne, mú o/fím ké kyikû-banet ńkyí Júda. Nyǐ o/koo Héboron, oshê mú o/mû o/já Ába, mú bonchí-Ának.

¹⁴ Kálep o/ró banet ḿbé ba/fím ké kyikû ńkyí Ának ba-byí ké oshê ámu, mú byikû-banet ḿbyí Shésha ne Ahíman ne Tamyâ.

¹⁵ O-dim ányi kâng o-da-kye banet ḿbé mbe ba-kyú u ké Dyíbyi bunwa. Oshê mún ba/mû ba-kó ng kámú Kyíryat-Séfe.

¹⁶ Kálep o-raa o/fu, n-kyâ onet mú odakoo oshê mún wǎn ejí mú onyinyi, mú odabángê Akyísa, o-bé.

¹⁷ Otenyêl mú wǎn-Kénaz, mú wǎn-boné-Kálep, o-koo oshê ámu. Kálep o-kúng kâng wǎn emen ámu o-kye ǎ o-kûbé.

¹⁸ Ké dyicí ńdyí mbe ba-chi i dyijî-dyibé, [Otenyêl o-sét onyi emen] o/fu, ofu bonchí o-kye ǎ kyifát. O-shû kyíbóng-kaanyam-atû emen, bonchí o-bí ǎ o/fu, amu a-ryuu ng ebóng.

¹⁹ O-sét bonchí o/fu, mu n-ryuu ng byikit ḿbyí mbyi ne omu. Esí nyí a/kye mě e*fí ne buce*. Bonchí o-kye ǎ kâng buce ḿbú kyicê ńkyí bushûyû ne ḿbú kyicê ńkyí busyísen, ḿbú budabyí ké bambwo.

Eshê nyí Júda

²⁰ Nyín něen esí nyí banet ḿbé ba/fím ké kyikû ńkyí Júda ba/koo wǎ bukyû eryí ḿbú ebe.

²¹ Eshê nyí nyi tíbítíbí ké kyicê ńkyí busyísen, nyí e/já kámbé, nyí e/mû fáráng ne buti ḿbú Édom, e/mû Kápezel ne Éde ne Jágu

²² ne Kyína ne Dyimóna ne Ádada

²³ ne Kédeshi ne Házo ne Étanan

²⁴ ne Zîp ne Télem ne Byǎlot

²⁵ ne Házo ne Hádata ne Kérot ne Hézoron, oshê ámu o-bángê e to Házo,

²⁶ ne Ámam ne Shéma ne Moláda

²⁷ ne Háza-Gáda ne Héshimon ne Bét-Pélet

²⁸ ne Háza-Shwâl ne Byíshíba ne Byízotyâ

²⁹ ne Bála ne Êem ne Ézem

³⁰ ne Etólat ne Késil ne Hóma

³¹ ne Zíkalak ne Mádámána ne Sásána

³² ne Lébwat ne Shílim ne Âan ne Ryímon. Eshê ńnyín emúmú e/mû bujam esim kátángekányi, cibicibi ne boǒshê ḿbú bu/wáp kányí bu-fé ké kafâ.

³³ Eshê nyí e/mû ké byikû-eku e/mû Eshítwal ne Zóra ne Ashína

³⁴ ne Zánwa ne Ngánim ne Tápwa ne Énam

³⁵ ne Jámut ne Adúlam ne Sóko ne Azéka

³⁶ ne Sháryam ne Adítam ne Gédera ne Gederotyâm. Eshê diǐkpú ne enyii, cibicibi ne boǒshê ḿbú bu/wáp kányí bu-fé ké kafâ.

³⁷ Eshê to ekíri e/mû kô, wǎ Zénan ne Hadásha ne Myígyídagat

³⁸ ne Dyílyan ne Myízipa ne Jokityîl

³⁹ ne Lákyishi ne Búzakat ne Égolon

⁴⁰ ne Kábon ne Lamâm ne Kyítilishi

⁴¹ ne Géderot ne Bét-Dágon ne Náma ne Makéda. Eshê onyiryiká ne din, cibicibi ne boǒshê ḿbú bu/wáp kányí bu-fé ké kafâ.

⁴² Eshê to ekíri e/mû kô, wǎ Lyíbana ne Éta ne Áshan

⁴³ ne Éfata ne Ashína ne Nézip

⁴⁴ ne Kyíla ne Ákyizip ne Marésha. Eshê kátángekányi, cibicibi ne boǒshê ḿbú bu/wáp kányí bu-fé ké kafâ.

⁴⁵ Oshê to wǎ Ékoron o/mû ányi ne ashí-eshê ne boǒshê ḿbú bu/mû ké mǔ.

⁴⁶ Ne kángkáng eshê ne boǒshê nyí e/mû fáráng ne Áshídot kyi-fím ké Ékoron a-ribi Medeterényan.

⁴⁷ Eshê wǎ Áshídot ne Gáza ne ashí-eshê ne boǒshê ḿbú mbu ké nyǐ, tete a-ribi ké kace, ké buti ḿbú Éjip, a-ribi to ké baya ḿbé Medeterényan.

⁴⁸ Ké esí nyí eku éku, eshê wǎ Shámyi ne Játyi ne Sóko

⁴⁹ ne Dána ne Kyíryat-Séfe, oshê ámu o-bángê e to Dyíbyi,

⁵⁰ ne Ánap ne Eshitémwa ne Ánim

⁵¹ ne Góshen ne Hólon ne Gyílo e/mû ányi. Eshê diǐkpú ne din, cibicibi ne boǒshê ḿbú bu/wáp kányí bu-fé ké kafâ.

⁵² Eshê wǎ Árap ne Dúma ne Éshan

⁵³ ne Jánim ne Bét-Tápwa ne Aféka

⁵⁴ ne Húmata ne Héboron ne Zayô e/mû ányi. Eshê kátángekányi, cibicibi ne boǒshê ḿbú bu/wáp kányí bu-fé ké kafâ.

⁵⁵ Eshê wǎ Máwon ne Kámel ne Zîp ne Júta

⁵⁶ ne Jézerel ne Jokadyâm ne Zánwa

⁵⁷ ne Kîin ne Gyíbya ne Tyína e/mû ányi. Eshê diǐkpú, cibicibi ne boǒshê ḿbú bu/wáp kányí bu-fé ké kafâ.

⁵⁸ Eshê wǎ Háhul ne Bét-Zû ne Gédo

⁵⁹ ne Márat ne Bétánot ne Etékon e/mû ányi. Eshê nyâchât, cibicibi ne boǒshê ḿbú bu/wáp kányí bu-fé ké kafâ.

⁶⁰ Eshê wǎ Kyíryat-Bâl, oshê ámu o-bángê e to Kyíryat-Jérim, ne Rába e/mû ányi. Eshê efee, cibicibi ne boǒshê ḿbú bu/wáp kányí bu-fé ké kafâ.

⁶¹ Ké kyikim-dyikán, eshê wǎ Bétáraba ne Myídin ne Sékaka

⁶² ne Nyíbashan, oshê mú bano, ne Ngédyi e/mû ányi. Eshê nyâchât, cibicibi ne boǒshê ḿbú bu/wáp kányí bu-fé ké kafâ.

⁶³ Nké banet-Júda ba*da/man eró banet-Jébus ḿbé ba/mû ké Jerúsélem*. Banet ámbe ba/tôong ba-kyú u ne banet-Júda.