Jóshwa 12 - Bokyi Bible

Batu ḿbé Músis o/kpógê Kámbé

¹ Banet-Ézerel ba/mû baa/nwa byití ne banet ḿbé mbe ba-kyú u ké kyicê-kace ńké Jódan ńkyí esû edabyí, ba-kpógê banet ámbe, ba-koo byikit ámbyi ba-kyú. Kyi-fím ké owo mú Ánon ba-shwôm ba-dim ké kyicê ńkyí bushûyû, ńkyí owo mú Jódan, tete ba-ribi ké kaku ńké Hémon, ńké nke ké kyicê ńkyí bushûyû. Ba-kpógê batu bafee.

² Obónge o/mû o-bángê e Otu Síhon, otu-Ámórit mú o/mû onet-dyishí mú oshê mú Héshibon. Butu emen bu/ribi kyicê-oshê mú badakó Gyílet. Kyi-fím ké oshê mú Áro, mú mu ké owo mú Ánon, bu-ribi to ké [oshê mú mu] otyém ne otyém mú owo ámu, tete bu-ribi ké kace ńké Jábok, ké buti ḿbú banet-Ámon.

³ Butu emen bu/ribi to ké owo mú Jódan, kyi-fím ké baya ḿbé Gályílyi bu-ribi ké oshê mú Bét-Jéshímot, ké kyicê ńkyí busyísen, ké kyicê-baya ḿbé badakó Bukyû ńkyí esû edabyí, bu-shwôm bu-ca kashú ké kyicê ńkyí kyikû-kaku ńké Pyísaga.

⁴ Mbé ba/kpógê to Otu Ôok mú otu-Báshan, mú o/mû nryî esim-otu to mú banet-Réfyam. Nyǐ o/mû onet-dyishí mú Ashítarat ne Édara.

⁵ Butu emen bu/ribi kaku ńké Hémon ne Saléka ne esí-Báshan emúmú tete bu-ribi ké bati ḿbé Géshu ne Máka, cibicibi ne kyicê-esí-Gyílet, tete bu-ribi ké esí nyí Otu Síhon mú otu-Héshibon.

⁶ Músis ne banet-Ézerel ba/kpógê batu ḿbén bafee. Músis mú ḿgbán-Óburúkpâbí o-yip esí ebe ányi o-kye banet ḿbé ba/fím ké kyikû-Rúben ne ḿbé ba/fím ké kyikû-Gât ne kyicê-banet ḿbé ba/fím ké kyikû-Manáse, o/fu, baryí bukyû ké nyǐ.

Batu ḿbé Jóshwa o/kpógê Kámbé

⁷ Jóshwa ne banet-Ézerel ba/kpógê kángkáng batu ḿbé ba/mû ké kyicê-kace ńké Jódan ńkyí esû edaríbî e-jâ, kyi-fím ké Bâl-Gât mú mu ké owo mú Lebánon tete kyi-ribi kaku ńké Hálak, ńké nke ké kyicê ńkyí busyísen, fáráng ne oshê mú Édom. Jóshwa o-yip esí ányi o-kyii byikû-banet-Ézerel o/fu, baryí bukyû ké nyǐ ne banyá.

⁸ Esí ányi e/cít esí nyí eku éku ne byikû-eku ké kyicê ńkyí esû edaríbî e-jâ, ne owo mú Jódan ne esim-eku nyí nyi ké kyicê-esû edabyí ne kyikim-dyikán ńkyí nkyi ké kyicê ńkyí busyísen. Esí ányi e/mû e/já banet Hyítat ne banet-Ámórit ne banet-Kínan ne banet-Périzit ne banet-Hyíbit ne banet-Jébus.

⁹ Banet-Ézerel ba/kpógê batu-eshê ńnyín, Jéríku ne Áyi, oshê mú mu fáráng ne Bétel,

¹⁰ ne Jerúsélem ne Héboron

¹¹ ne Jámut ne Lákyishi

¹² ne Égolon ne Géze

¹³ ne Dyíbyi ne Géde

¹⁴ ne Hóma ne Árat

¹⁵ ne Lyíbana ne Adúlam

¹⁶ ne Makéda ne Bétel

¹⁷ ne Tápwa ne Héfe

¹⁸ ne Áfek ne Lasháron

¹⁹ ne Mádon ne Házo

²⁰ ne Shímoron-Méron ne Ákyishap

²¹ ne Tának ne Magídu

²² ne Kédeshi ne Jokanyâm, mú mu ké Kámel,

²³ ne Dôo, mú mu ké baya ḿbé Medeterényan, ne Gówim, mú mu ké [Gályílyi,]

²⁴ ne Tyíza. Batu ámbe bamúmú ba/mû ashí bujam esim diǐkpú ne din.