Jeryimáya 43 - Bokyi BibleBa/kúng Jeryimáya ba-dim ne Nyǐ Éjip 1 Me n/sét banet ámbe kángkáng byěm ḿbyí Osówo Óburúkpâbí ebe o/twóm mě o/fu, me nsét kámbé. 2 Azaryâ mú wǎn-Hosháya ne Johánan mú wǎn-Karyâ ne kángkáng bantông byiko-banet ḿbé áku ba/raa ne me ba/fu, wo amu a-sét ng byisédéng. Osówo Óburúkpâbí eten o*da ǒ etwóm o/fu, wo asét bě a/fu, be byi*dachi byi-da-kyú ké Éjip*. 3 Báruk mú wǎn-Neryâ oo/chi ǒ a-bírî bě esim eringe nyí banet ḿbé Bábyílon ba/chi ba-kpógê bě, â ba*da bě eju* ba-yip bě ba-jâ ne be Bábyílon. 4 Ké bubwô ḿbún, nang Johánan nang banet-ashí-basúja nang banet ḿbén ba*fí ne onet nang obónge mú o/chi o-chi ńkyí Óburúkpâbí o/sét* o-waa ké esí nyí Júda*. 5 Ne Johánan kâng ne kángkáng banet-ashí-basúja ba-kpî nang yeě mú o/waa ké esí nyí Júda ba-dim ne nyǐ Éjip, cibicibi ne kángkáng banet ḿbé ba/mû baa/fím ké eshê nyí ba/mû ba/pwôo byiryibyiryi ba-fyi. 6 Ba/kpî banyinchéng ne banyinyi ne bwǎsíng ne bwǎn-otu ḿbé banyinyi. Ba/kpî nang yeě nang yeě mú Nébúzaradan o/mû o/mîng ké abwô-Gedalyâ, cibicibi ne Báruk ne me. 7 Ba/né ńkyí Óburúkpâbí o/sét, ba-dim Éjip tete ba-ribi ké oshê mú badakó Tápánas. 8 Ké oshê ámu, Óburúkpâbí o/sét mě o/fu, 9 kúng aká nyí aryên aryên [a-fé ké dyibe-esí] ńdyí ké ocím-dyifyi mú kyise-butu ńkyí nkyi ké oshê mún. Chi eringe nyí kyicê-banet ḿbé Ézerel bada ǒ eri. 10 Ne a-sét kámbé kâng a/fu, me Osówo Óburúkpâbí mú Ézerel n/chi m-bâ ne Otu Nébúkanéza mú Bábyílon, mú ḿgbán ejí ké kyikit ńkyín, ne [o/chi o-bi] kakyúng-butu emen ké aká ńnyín nyí [a/fé,] ne o/chi o-cít kányí mpyep-butu mú badabi ké byídí. 11 Otu Nébúkanéza o/chi o-bâ o-ba-kpógê Éjip. Banet ḿbé badakpú byirwóm ba-kpú u byirwóm, ḿbé badakúng kámbé ba-dim ne mbé wǎ bamgbokobá ba/chi ba-dim ne mbé, ne ḿbé badakpú ké byití ba/chi ba-ju kámbé ké byití. 12 Me n/chi n-fé okwâ ké byise-byifen echi ḿbyí erím-bakye nyí Éjip, ne â otu mú Bábyílon o*da/shí kányí* o/chi o-kúng kányí o-dim ne nyǐ. Wǎ eringe nyí mbâm ebû odacá biǐkwâa byi-man ké byídí emen, éné to nké otu mú Bábyílon o/chi o-cá esí nyí Éjip o-kpógê kányí, o-dim o-mîng kányí. 13 O/chi o-bên aká-ociring nyí nyi ké Helópólis, ké Éjip, ne o/chi o-shí byise-byifen echi ḿbyí erím-bakye nyí Éjip. |
Published by the Bible Society of Nigeria @ 1985
Bible Society of Nigeria