Jénésis 5 - Bokyi Bible

Kyikû-Banet ńkyí Ádam

¹ Nyín azîn nyí kyikû-banet ńkyí Ádam. Ké nkéré mú Osówo o/chi banet, o/chi kámbé wǎ nyǐ oyén.

² O/chi kámbé [onyinchéng] ne onyinyi, o-jware kámbé, o-fé kámbé dyizîn ńdyí dyidabángê onet.

³ Ádam o/rí bajam-aje nyâchât esim diǐkpú ne o-fwon wǎn emen mú o/mû wǎ nyǐ, mú odabángê Sêt.

⁴ Ńdyí o/fwon Sêt, Ádam o/chîrí égot-aje enyii. Nyǐ o/chîfwon bwǎn bakíri,

⁵ ne o/rí égot-aje enyii esim-bajam-aje nyâchât esim diǐkpú ne o-kpú.

⁶ Ké nkéré mú Sêt o/rí bajam-aje batánge esim atánge, o/fwon wǎn-onyinchéng mú o/fé ǎ dyizîn, Énoshi,

⁷ ne o/chîrí égot-aje enyii ne aje káchâtkányi. Nyǐ o/chîfwon bwǎn bakíri,

⁸ ne o/rí égot-aje enyii ne bajam batánge esim-aje diǐkpú ne afee ne o-kpú.

⁹ Ké nkéré mú Énoshi o/rí bajam-aje banyii esim diǐkpú, o/fwon wǎn-onyinchéng mú odabángê Kínan,

¹⁰ ne o-chîrí égot-aje enyii esim onyiryiká. Nyǐ o/fwon bwǎn bakíri,

¹¹ ne o/rí égot-aje enyii ne bajam batánge esim atánge ne o-kpú.

¹² Kínan o/rí bajam-aje bachât esim diǐkpú ne o-fwon wǎn-onyinchéng mú odabángê Mahalálel.

¹³ O/chîrí égot-aje enyii ne bajam bafee. Nyǐ o/chîfwon bwǎn bakíri,

¹⁴ ne o/rí égot-aje enyii ne bajam batánge esim diǐkpú ne o-kpú.

¹⁵ Mahalálel o/rí bajam-aje bachât esim atánge ne o-fwon wǎn-onyinchéng mú odabángê Járet,

¹⁶ ne o-chîrí égot-aje enyii ne aje bujam esim diǐkpú. Nyǐ o/chîfwon bwǎn bakíri,

¹⁷ ne o/rí égot-aje enyii ne bajam-aje banyii esim onyiryiká ne o-kpú.

¹⁸ Járet o/rí bajam-aje nyíryinyi ne aje afee ne o-fwon wǎn-onyinchéng mú odabángê Énok,

¹⁹ ne o-chîrí égot-aje enyii. Nyǐ o/chîfwon bwǎn bakíri,

²⁰ ne o/rí égot-aje enyii ne bajam-aje nyíryinyi esim-aje afee ne o-kpú.

²¹ Énok o/rí bajam-aje bachât esim atánge ne o-fwon wǎn-onyinchéng mú odabángê Metúséla.

²² Ké nkéré mú o/fwon Metúséla, Énok o/kyú fáráng ne Osówo ké égot-aje ebónge ne bajam batánge, ne o/chîfwon bwǎn bakíri.

²³ Nyǐ o/rí égot-aje ebónge ne bajam nyíryinyi esim atánge ne o-kpú.

²⁴ Nyǐ o/kyú dyikpen emen o-fárâng Osówo ké kángkáng dyikpen emen, ne o-rím, ké nǎ, Osówo o/kúng ǎ o-dim ne nyǐ.

²⁵ Metúséla o/rí bajam-aje kátángekányi esim káchâtkányi ne o-fwon wǎn-onyinchéng mú odabángê Límek,

²⁶ ne o-chîrí égot-aje echât ne bajam-aje kátángekányi esim-aje afee. Nyǐ o/chîfwon bwǎn bakíri,

²⁷ ne o/rí égot-aje enyii ne bajam nyíryinyi esim kátángekányi ne o-kpú.

²⁸ Límek o/rí bajam-aje kátángekányi ne aje afee ne o-fwon wǎn-onyinchéng,

²⁹ o-raa o/fu, ké ochíchí-esí nyí Óburúkpâbí o/shú kányí, wǎn mún o/chi o-chi bě byi-jáng ké kángkáng biǐsínsóng-bǎmkpóngé eten ḿbé byimu byi-chi i. Ne o-fé ǎ dyizîn ńdyí badakó Núwa.

³⁰ Límek o/chîrí égot-aje efee ne bajam kátángekányi esim onyiryiká. Nyǐ o/chîfwon bwǎn bakíri,

³¹ ne o/rí égot-aje echât ne bajam nyíryinyi esim onyiryiká ne afee ne o-kpú.

³² Ké nkéré Núwa oo/rí égot-aje efee ne bajam batánge, o/fwon bwǎn-banyinchéng bachât, Shêm ne Hâm ne Jáfet.