Jénésis 36 - Bokyi Bible

Bwǎn ḿbé Éso

¹ Nyín bwǎn ḿbé Éso, mú bada ǎ ekó to Édom.

² Éso o/bé banyi ḿbé ba/fím Kínan. O/bé Adá mú wǎn-Élon, mú o/fím Hyítat ne Oholyibáma mú wǎn-Ána, mú [wǎn]-Zíbon, mú o/fím Hyíbit

³ ne Básémat mú wǎn-Éshimal, mú wǎn-boné-Nebáyot.

⁴ Adá o/fwon Elyífaz, Básémat o-fwon Rúwel,

⁵ ne Oholyibáma o-fwon Júshi ne Jálam ne Kóra. Éso o/fwon kángkáng bwǎn ḿbén ké esí nyí Kínan.

⁶ Ne Éso kâng o-kpî banyi emen ne bwǎn emen ne kángkáng banet ḿbé ba/mû ba-kyú u ne nyǐ, o-kúng to byitú emen ne kángkáng byěm ḿbyí o/mû oo/já ké Kínan, o-dim o-mîng Jekôp mú wǎn-boné emen, o-jâ ké esí ekíri.

⁷ Nyǐ o/dim, ké nǎ, esí nyí mbé ba/mû ba-kyú u ne Jekôp e/mû e*fí to e-kwárê ng kámbé*. Mbé ba/mû ne byitú chwóó ne ba/mû baa*man to ekyú kyikit kyibónge*.

⁸ Éso kâng o-jâ ké esí-eku éku nyí Édom.

⁹ Nyín bwǎn ḿbé Éso mú o/mû bonchí mú banet ḿbé Édom.

^10-13 Adá mú onyi-Éso o/fwon ǎ wǎn-onyinchéng obónge, Elyífaz. Elyífaz o-fwon bwǎn-banyinchéng batánge, Táman ne Óma ne Zéfo ne Gátam ne Kénaz. Onyi-Elyífaz mú wǎsíng o/chî ǎ efwon wǎn-onyinchéng obónge, Amálek. Onyi-Éso mú obónge, Básémat, o/fwon ǎ wǎn-onyinchéng obónge, Rúwel. Rúwel o-fwon bwǎn-banyinchéng ashí anyii, Náhat ne Zéra ne Sháma ne Myíza.

¹⁴ Oholyibáma mú wǎn-Ána, mú [wǎn]-Zíbon, mú onyi-Éso to, o/fwon ǎ bwǎn-banyinchéng ashí achât, Júshi ne Jálam ne Kóra.

¹⁵ Nyín banet ḿbé ba/fím ké kyikû ńkyí Éso. Elyífaz mú wǎn-kashú-Éso o/mû bonchí mú byikû-banet ḿbyín, Táman ne Óma ne Zéfo ne Kénaz

¹⁶ ne Kóra ne Gátam ne Amálek. Ḿbén kángkáng ba/fím ké kyikû ńkyí onyi-Éso mú odabángê Adá.

¹⁷ Rúwel mú wǎn-Éso o/mû bonchí mú byikû-banet ḿbyín, Náhat ne Zéra ne Sháma ne Myíza. Ḿbén kángkáng ba/fím ké kyikû ńkyí onyi-Éso mú odabángê Básémat.

¹⁸ Byikû-banet ḿbyín byi/fím ké kyikû ńkyí Éso ne onyi emen mú odabángê Oholyibáma mú wǎn-Ána, Júshi ne Jálam ne Kóra.

¹⁹ Éso nké o/fwon byikû-banet ḿbyín kángkáng.

Bwǎn ḿbé Sêe

^20-21 Bambwôp kashú-banet ḿbé ké esí nyí Édom ba/mû ba/kyii kámbé ké byikû ḿbyí byi/mû byi/fím ké kyikû-banet ńkyí Sêe, mú o/fím Hórit. Byikû ámbyi byi/mû Lótan ne Shóbal ne Zíbon ne Ána ne Dyíshon ne Éze ne Dyíshan.

²² Lótan o/mû bonchí mú byikû-banet ḿbyí Hóryi ne Héman. Lótan o/mû ne wǎn-boné mú onyinyi, mú odabángê Tyímina.

²³ Shóbal o/mû bonchí mú byikû-banet ḿbyí Ában ne Manáhat ne Ébal ne Shéfo ne Ónam.

²⁴ Zíbon o/mû ne bwǎn-banyinchéng bafee, Áya ne Ána. Ána mún nké o/mû o/ri buce ḿbú omu ebe odasóng ké kyikim-dyikán, ké nkéré o/mû o-tún n boonyam-atû ḿbú bonchí.

^25-26 Ána nké o/mû bonchí-Dyíshon mú o/mû bonchí mú byikû-banet ḿbyí Hémadan ne Eshíban ne Étaran ne Kéran. Ána o/mû o/fwon to wǎn-onyinyi mú odabángê Oholyibáma.

²⁷ Éze o/mû bonchí mú byikû-banet ḿbyí Byílan ne Zában ne Ákán.

²⁸ Dyíshan o/mû bonchí mú byikû-banet ḿbyí Ôz ne Áran.

^29-30 Byikû-banet ḿbyí Hórit ḿbyín nké byi/mû ké esí nyí Édom, Lótan ne Shóbal ne Zíbon ne Ána ne Dyíshon ne Éze ne Dyíshan.

Batu ḿbé Édom

^31-39 Ne banet ḿbé Ézerel ba-firi ne batu, banet ḿbén ba/mû batu ké esí nyí Édom ké bunye ké bunye, Otu Béla mú wǎn-Bwô, mú o/fím Dyínába ne Otu Jóbap mú wǎn-Zéra, mú o/fím Búzira ne Otu Húsham, mú o/fím kyikim-esí ńkyí Táman ne Otu Hádat mú wǎn-Bédat, mú o/fím Ábit. Nyǐ o/kpógê banet ḿbé Médyan ké byití ḿbyí ba/nwa ké oshê mú Mówep. Ne Otu Sámila mú o/fím Masaráka o-nye ne Otu Shôl, mú o/fím Rehóbot mú mu ké bukô-kace. Ne Otu Bâl-Hánan mú wǎn-Ákobo ne Otu Hádat mú o/fím Pû. Onyi emen o/mû Mehetábel mú wǎn-Máteret ne mú boné emen mú kánkán o/mû o-bángê e Mezáhap.

^40-43 Éso o/mû bonchí mú byikû-banet ḿbyín ḿbyí Édom, Tyímina ne Ába ne Jétet ne Oholyibáma ne Éla ne Pyínon ne Kénaz ne Táman ne Myíbyíza ne Magídyel ne Éram. Byikit ḿbyí byikû-banet ḿbyín byi/mû byi-kyú u ba/mû ba-kó ng kámbyí azîn ányi.