Jénésis 10 - Bokyi Bible

Bwǎn ḿbé Núwa

¹ Nyín bwǎn-Núwa ḿbé banyinchéng, Shêm ne Hâm ne Jáfet. Bwǎn emen ḿbén ba/fwon to bwǎn-banyinchéng bakíri to ké nkéré mú buce bu/sú bu-cít ejíí.

² Bwǎn ḿbé Jáfet, Góma ne Mígok ne Madyâ ne Jában ne Túbal ne Méshek ne Tyíras ba/mû banchí-byikû-banet ḿbé mbe ba-bángê e azîn nyín.

³ Bwǎn ḿbé Góma ba/mû banet ḿbé Ashíkénaz ne Ryífat ne Togáma.

⁴ Kyikû-banet ńkyí Jában kyi/mû banet ḿbé Elyísha ne Syipîn ne Sápurus ne Rôt.

⁵ Mbé nké ba/mû banchí ḿbé kpákpá ḿbé banet ḿbé mbe ba-kyú u ké bukô-baya ḿbé Medeterényan ne ké eshê nyí baya ámbe ba/wáp kányí ba-fé ké otyém. Mbé nké mbe kyikû-banet ńkyí Jáfet ḿbé mbe ké byikim-banet ne byikim-eshê ḿbyí baa*jwo ejá-barî*.

⁶ Bwǎn ḿbé Hâm, Kúshi ne Éjip ne Lyíbya ne Kínan nké ba/mû banchí-byikû-banet ḿbé mbe ba-bángê e azîn ebe.

⁷ Kyikû-banet ńkyí Kúshi ba/mû banet ḿbé Séba ne Habyíla ne Sábata ne Ráma ne Sabatéka. Kyikû-banet ńkyí Ráma ba/mû banet ḿbé Shéba ne Dyídan.

⁸ Kúshi o/mû ne wǎn-onyinchéng mú o/mû o-bángê e Nyímarat, mú o/mû mbwôp kashú-onet mú o/jang ekpógê byití ké ejíí.

⁹ Ké bubwô ḿbú ochwâp mú Óburúkpâbí, nyǐ o/mû kiǐtí-nryuu dyikán, ne nkyí nké banet badaraa ba/fu, kyi/bát Óburúkpâbí ochi ǒ kiǐtí-nryuu dyikán wǎ Nyímarat.

¹⁰ Ké mbwôp kashú, eshê nyí Bábyílon ne Érek ne Ákat e/mû ké bubwô emen wǎ otu. Eshê ńnyín echât e/mû ké Bábyílon.

¹¹ Fím ké esí ányi, nyǐ o/ce Asyírya o-da-bi eshê nyí Nyínyíve ne Rehóbot-Êe ne Kála

¹² ne Résen, mú o/mû ké otyém ne otyém mú Nyínyíve ne kiǐtí-oshê ńkyí Kála.

¹³ Bwǎn ḿbé Éjip ba/mû banet ḿbé Lyídya ne Ánam ne Léhap ne Náfyitu

¹⁴ ne Pátoros ne Kásalu [ne Káfato, mú banet ḿbé Fyilíta ba/fím ké kyikû emen.]

¹⁵ Bwǎn-Kínan, Sádon, mú o/mû mbwôp kashú-wǎn, ne Hêt ba/mû banchí-byikû-banet ḿbé mbe ba-bángê e azîn ebe.

¹⁶ Kínan o/mû to bonchí mú kpákpá mú o/fwon kyikû-banet ńkyí Jébus ne Ámórit ne Gyígashit

¹⁷ ne Hyíbit ne Áraka ne Sínit

¹⁸ ne Ábadat ne Zemárit ne Hámat. Kángkáng byikû-banet ḿbyí Kínan byi/pwôo byiryibyiryi

¹⁹ tete ba-ribi ké buti-esí ḿbú banet ḿbé Kínan kyi-fím ké Sádon, ké kyicê ńkyí busyísen kyi-ribi Géra fáráng ne Gáza, tete kyi-ribi Sódom ne Gomóra ne Ádima ne Zébom fáráng ne Lásha, ké kyicê ńkyí esû nyi e-byí i.

²⁰ Mbé nké mbe kyikû-banet ńkyí Hâm, ḿbé mbe ké byire ne eshê nyí baa*jwo ejá-barî*.

²¹ Shêm, mú o/mû okínkán-Jáfet, o/mû bonchí mú kángkáng banet ḿbé Hyíburus.

²² Bwǎn-Shêm ḿbé banyinchéng, Élam ne Áshu ne Apákáshat ne Lût ne Áram nké ba/mû banchí-byikû-banet ḿbé mbe ba-bángê e azîn ebe.

²³ Kyikû-banet ńkyí Áram kyi/mû banet ḿbé Ôz ne Hôl ne Géta ne Méshek.

²⁴ Apákáshat o/mû bonchí mú Shéla, mú o/mû bonchí mú Ebá.

²⁵ Ebá o/mû ne bwǎn-banyinchéng bafee, obónge o/mû o-bángê e Pélek, ké nǎ, ké nkéré emen nké banet ḿbé ké ejíí ba/kyii. Mú obónge o/mû o-bángê e Jókatan.

²⁶ Kyikû-banet ńkyí Jókatan kyi/mû banet ḿbé Amádat ne Shélep ne Háza-Mábet ne Jéra

²⁷ ne Hadóram ne Ózal ne Dyíkala

²⁸ ne Óbal ne Abyímel ne Shéba

²⁹ ne Ófyi ne Habyíla ne Jóbap. Jókatan nké o/mû bonchí ebe kángkáng.

³⁰ Esí nyí mbé ba/mû ba-kyú u e/mû e/fím ké Mésha tete e-ribi Séfa, ké kyicê-esí nyí eku éku, ńkyí esû edabyí.

³¹ Mbé nké mbe kyikû-banet ńkyí Shêm, ḿbé mbe ba-kyú u ké byikim-banet ne eshê, ḿbé baa*jwo ejá-barî*.

³² Kángkáng banet ḿbén ba/mû bwǎn ḿbé Núwa. Oshê ne oshê o/mû ne otáng-kyikû mú emen. Ńdyí buce boo/sú bu-cít ejíí, kángkáng eshê nyí ké ejíí e/mû e/fím ké kyikû-banet ńkyí bwǎn-Núwa.