Hozáya 3 - Bokyi Bible

Hozáya ne Onyinyi mú o*da/fé Dyityém ne Nyǐ*

¹ Óburúkpâbí [o/raa ne me o/fu, chîce] a-da-tông kyijé ne onyinyi mú mu o-chi i kyinam ne ókyî emen. Onyinyi ámu o-man o-jê ǒ wǎ eringe nyí banet ḿbé Ézerel ba/tôong ba-jê ng mě nang ké ba/bírî ba-kâm esówo ekíri ne nkyi kyi-nyîn n kámbé byifen echi ba-kyâ erím-bakye.

² Ké bubwô ámbu, me n/kye akpuga-syílyíba onyiryiká ne bajam-bakyílogaram-esang-byichí káchâtkányi esim diǐkpú ne n-ré ǎ.

³ Me n/sét ǎ n/fu, o/chi o-kyú ké kyikim-nkéré chwóó o-bám mě. O*dachi o-ryí akpara* o-chi nang kyinam* ne ké kyikim-nkéré ánkyi, me to n/chi m-bám ǎ.

⁴ Ké dyizong-bukwóp ḿbún, banet ḿbé Ézerel ba/chi ba-kyú ké kyikim-nkéré chwóó, baa*kyú ne batu nang banet-ashí* baa*ba/chi ba-chi byifen* ba-kyú nang ne aká-ociring* baa*ba/chi ba-kyú ne erím-bakye ne byěm ḿbyí badakúng ba-sô epé*.

⁵ Nké nkéré mu o-bâ mú banet ḿbé Ézerel ba/chi ba-chîbírî ba-kâm Óburúkpâbí mú mu Osówo ebe, ba-kâm to onet-kyikû-banet ńkyí Otu Dívit. Mbé kâng ba/chi ba-shî Óburúkpâbí ne ba/chi ba-koo eyáré emen nyí enong.