Ézara 2 - Bokyi Bible

Ocím-Banet ḿbé ba/fím ké Bábyílon ba-fyi

¹ Banet chwóó ḿbé ba/mû ba/kúng kámbé wǎ básóng ba/dim ké kyikim-oshê ńkyí Bábyílon ba-fyi ké Jerúsélem ne Júda. Nang yeě o/jé ké oshê emen. Byikû-banet ebe byi/mû byi-kyú u wǎ básóng ké Bábyílon kyi-fím ké nkéré mú Otu Nébúkanéza o/kám kámbé o-dim ne mbé áku wǎ básóng.

² Banet-ashí ebe ba/mû Zerubábel ne Jóshwa ne Nehemyâ ne Seráya ne Ryiláya ne Moredekyâ ne Byíléshan ne Myísipa ne Byígeba ne Réhum ne Bána. Nyín něen ocím-byikû-banet ḿbyí Ézerel ne ocím-banet ḿbé ba/fím ké byikû ámbyi ḿbé ba/fím wǎ básóng ba-fyi.

^3-20 Paróshi, égot-banet diǐkpú ne bajam-banet nyíryinyi esim-banet diǐkpú ne bafee, Shefátya, égot-banet ebónge ne bajam-banet nyíryinyi esim-banet diǐkpú ne bafee, Ára, égot-banet echât ne bajam-banet nyíryinyi esim-banet onyiryiká, Páhat-Mówep, ḿbé ba/mû ba/fím byikû-banet ḿbyí Jéshwa ne Jówap, égot-banet diǐkpú ne enyii esim-banet diǐkpú ne bafee, Élam, égot-banet nyâchât ne bajam-banet bafee esim-banet diǐkpú ne banyii, Zátu, égot-banet enyii ne bajam-banet káchâtkányi esim-banet batánge, Zákya, égot-banet echât ne bajam-banet nyíryinyi, Bányi, égot-banet echât ne bajam-banet bafee esim-banet bafee, Bebyâ, égot-banet echât ne banet bujam esim-banet bachât, Ázagat, égot-banet nyâchât ne banet bujam esim-banet bafee, Adónyikam, égot-banet echât ne bajam-banet bachât, Byígeba, égot-banet diǐkpú ne bajam-banet bafee esim-banet onyiryiká ne din, Ádin, égot-banet efee ne bajam-banet bafee esim-banet diǐkpú ne banet banyii, Atá mú o/mû o-bángê e Hezekyâ, bajam-banet banyii esim-banet onyiryiká ne bachât, Béza, égot-banet ebónge ne bajam-banet nyâchât esim bachât, Jóra, bajam-banet batánge esim-banet diǐkpú ne bafee, Háshum, égot-banet ebónge ne banet bujam esim-banet bachât, Gyíba, bajam-banet banyii esim-banet onyiryiká.

^21-35 Banet ḿbé banchí ebe ḿbé kpákpá ba/mû ba-kyú u ké eshê ńnyín něen ba/fyi to, Bételehêm, bajam-banet nyâchât esim-banet bachât, Netófa, bajam-banet bafee esim onyiryiká ne din, Anátot, bajam-banet nyâchât esim-banet nyíryinyi, Azámábat, bajam-banet bafee esim-banet bafee, Kyíryat-Jérim ne Kéfyira ne Byírot, égot-banet echât ne bajam-banet káchâtkányi esim-banet bachât, Ryíma ne Géba, égot-banet echât ne banet bujam ne din, Mékyímashi, bajam-banet nyâchât esim-banet bafee, Bétel ne Âyi, égot-banet ebónge ne banet bujam esim-banet bachât, Nébo, bajam-banet bafee esim-banet diǐkpú ne bafee, Magbéshi, bajam-banet káchâtkányi esim-banet onyiryiká ne din, Élam nyí áku, égot-banet nyâchât ne bajam-banet bafee esim-banet diǐkpú ne banyii, Hárim, égot-banet ebónge ne bajam-banet nyâchât, Lôt ne Hádit ne Onó, égot-banet echât ne bajam-banet nyâchât esim-banet batánge, Jéríku, égot-banet ebónge ne bajam-banet káchâtkányi esim-banet batánge, Séna, égot-banet onyiryiká ne banet bujam esim diǐkpú.

^36-39 Nyín něen ocím-byikû-banet-banchi kyifen-Osówo ḿbé ba/fyi, Jedáya ḿbé ba/mû ba/fím kyikû-banet ńkyí Jéshwa, égot-banet enyii ne bajam-banet nyíryinyi esim-banet diǐkpú ne bachât, Éma, égot-banet etánge ne bajam-banet bafee esim-banet diǐkpú ne bafee, Páshu, égot-banet nyâchât ne bajam-banet bafee esim-banet káchâtkányi, Hárim, égot-banet etánge ne banet onyiryiká ne bafee.

^40-42 Byikû-banet ḿbyí Lyíva ḿbé ba/fyi ba/mû Jéshwa ne Kadyímyel, ḿbé ba/mû ba/fím kyikû-banet ńkyí Hodabyâ, bajam-banet bachât esim-banet diǐkpú ne banyii, bankim ane ké kiǐtí-kyise-kyifen-Osówo echi, ḿbé ba/fím kyikû-banet ńkyí Ásap, bajam-banet nyâchât esim-banet nyíryinyi, bambâm kiǐtí-kyise-kyifen-Osówo echi, ḿbé ba/fím kyikû-banet ńkyí Shálum ne Atá ne Támon ne Ákup ne Hatyíta ne Shobyâ, bajam-banet nyâchât esim onyiryiká ne banyii.

^43-54 Byikû-banet ḿbyí banchi bǎmkpóngé ké kiǐtí-kyise-kyifen-Osówo echi ḿbé ba/fyi ba/mû Zíha ne Hásúfa ne Jábot ne Kéros ne Sáha ne Pádon ne Lébana ne Hágaba ne Ákup ne Hágap ne Shamalyâ ne Hánan ne Gyídel ne Gáha ne Reyáya ne Rézen ne Nekóda ne Gázam ne Óza ne Páseya ne Bésa ne Ásana ne Meyúnim ne Nefyísim ne Bákabuk ne Hakúfa ne Háhu ne Bázálut ne Mehyída ne Hásha ne Bákos ne Sisárá ne Téma ne Nézaya ne Hatyífa.

^55-57 Byikû-banet ḿbyí bǎmgbán-Otu Sólómon ḿbé ba/fyi ba/mû Sótya ne Hasóferet ne Péráda ne Jála ne Dákan ne Gyídel ne Shefátya ne Hátyil ne Púkeret ne Hazebyâm ne Ámyi.

⁵⁸ Ocím-banet kángkáng mú kyikû-banet ḿbé banchi bǎmkpóngé ké kiǐtí-kyise-kyifen-Osówo echi cibicibi ne bǎmgbán ḿbé Otu Sólómon ḿbé ba/fyi ba/mû égot-banet ebónge ne bajam-banet kátángekányi esim-banet diǐkpú ne bafee.

^59-60 Banet ba/mû égot echât ne bajam bafee esim-banet diǐkpú ne bafee ḿbé byikû-banet ḿbyí Dyiláya ne Tobyâ ne Nekóda, ḿbé ba/fím ké eshê nyí Têl-Méla ne Têl-Hásha ne Kérup ne Ádan ne Éma ba-fyi, nké mbé ba*da/man etông ba/fu, mbé ba-chi i banet ḿbé ba/fím ké kyikû-banet-Ézerel*.

^61-62 Nyín něen byikû-banet ḿbyí banchi kyifen-Osówo ḿbé ba*da/man eri chwǒm ńkyí ba/sáng kyísí* ńkyí kyidatông kyikû-banchí ebe ḿbé kpákpá* ńkyí mbé ba/fím*. Byi/mû Habáya ne Hákoz ne Bazílya. Bonchí mú kpákpá mú kyikû-banet ńkyí banchi kyifen-Osówo kyibónge ńkyí badakó Bazílya o/mû o/bé onyinyi mú o/fím kyikû-banet ńkyí Bazílya ké Gyílet, ne o-kûbángê dyizîn ńdyí kyikû-banet ńkyí bonchí-onyi emen. Ké nǎ, mbé ba*da/man etông kyikû ńkyí bonchí ebe ḿbé kpákpá ba/fím* ba*da/koo kámbé wǎ banchi kyifen-Osówo*.

⁶³ Onet-dyishí-kyikim-esí ńkyí banet-Jûs o/sét kámbé o/fu, mbé baa*man eryí byiryíng ḿbyí ba/chi kyifen ba-kye Osówo* tete â nchi kyifen-Osówo mu kô mú odaman etwóp ámám nyí badakó búrim ne túmim.

^64-67 Ocím-banet kángkáng ḿbé ba/fyi ba/mû bajam-égot bajam kátángekányi esim diǐkpú ne bajam-banet nyâchât esim-banet onyiryiká ne bafee. Ocím-bǎmgbán ḿbé banyinchéng ne ḿbé banyinyi o/mû égot bujam esim onyiryiká ne din ne bajam-banet nyâchât esim-banet onyiryiká ne bafee. Bankim ane ḿbé banyinchéng ne ḿbé banyinyi ba/mû égot ebónge. Bubyî-orá bu/mû égot echât ne bajam-bubyî-orá nyâchât esim onyiryiká ne din. Bubyî-orá ḿbú badakó mûl bu/mû égot ebónge ne bajam bubyî-orá bafee esim batánge. Boonyam-atû ḿbú mbu ne kyirún bu/mû égot efee ne boonyam-atû bujam esim onyiryiká. Boonyam-atû buyén bu/mû égot bujam esim diǐkpú ne echât esim bajam nyâchât.

⁶⁸ Ké nkéré mú mbé kángkáng ba/ribi ké kiǐtí-kyise-kyifen-Óburúkpâbí echi ké Jerúsélem, banet-ashí bakíri ḿbé byikû-banet ebe ba/kye eyáré nyí e/fím ké kafâ-atyém ebe eringe kyidachwáp ba-bwât kiǐtí-kyise-kyifen-Osówo echi ba-bi, ké kyikit ńkyí kyi/mû kpákpá.

⁶⁹ Mbé ba/kye ńkyí badaman ekye ké bǎmkpóngé ḿbén, ne ocím-byěm mú mbé ba/kye o/byí égot-bakyílogaram-gûl efee ne bajam batánge ne égot-bakyílogaram-syílyíba diǐkpú ne enyii ne bajam-byídí ḿbyí banchi kyifen-Osówo batánge.

⁷⁰ Banchi kyifen-Osówo ne bǎmgbán ebe ne kyicê-banet bakíri ba/kyú ké Jerúsélem. Bankim ane ne bambâm kiǐtí-kyise-kyifen-Osówo echi ne banchi bǎmkpóngé-kiǐtí-kyise-kyifen-Osówo echi ba/kyú ké eshê nyí e/fárâng Jerúsélem, ne banet-Ézerel ḿbé áku ba/kyú ké eshê nyí banchí ebe ḿbé kpákpá ba/mû ba-kyú u.