3 Jǒn 1 - Bokyi Bible

¹ Me onet-dyishí nké mu n-sáng ng n-kye Gáyus mú mu ocín-dyityém ejí mú ntûntû.

² Ocín-dyityém ejí, me mu n-fâ nshwam n/fu, kyi/bát kángkáng byěm byikyú kanong ne wo. Kyi/bát enyam-byiko eyên to ekyú kanong wǎ eringe nyí mu n-nyît ng n/fu, amu kanong ké busun.

³ Me m/mû ké bunyîn-dyityém kanong kanong ké nkéré kyicê-bwǎn-bané eten ba/bê nyín, ne ba-sét kyi-kim ne eringe nyí wo amu a-tî ng dyityém eyên ké ntûntû ne Osówo wǎ eringe nyí wo kángkáng nkéré amu a-kyú u ké édúú nyí ntûntû.

⁴ Chwǒm kyi*fí ńkyí nkyi kyi-chi i mě n-kyú ké bunyîn-dyityém chwóó* kyi-shwôm ńkyí mu n-jwo ng ba/fu, bwǎn ejí ké bubwô ḿbú Karâs mbe ba-kyú u ké édúú nyí ntûntû*.

Jǒn o/kpee Gáyus

⁵ Ocín-dyityém ejí, wo a/fé dyityém eyên kanong kanong ké bǎmkpóngé ḿbé wo amu a-chi i a-kyâ bwǎn-bané eten, nang ké mbé mbe bacinbánet.

⁶ Mbé baa/sét banet ḿbé ékwâbashi nyí Karâs ḿbé mbe nyín kyi-kim ne kyijé eyên ńkyí wo a/tông kámbé. Kamgbe, chwáp kámbé ba-ca kashú ne bucen ebe ké bukwóp ḿbú bu/chi bu-nyîn Osówo.

⁷ Ké ebóng, mbé ba/dim bucen ebe, eringe nyí mbé badachi bǎmkpóngé ḿbé Karâs, ba*da/koo ochwâp nang obónge ne banet ḿbé ba*fí ba-bángê e ne Karâs ne atyém ebe*.

⁸ Be kâng mú byimu banet ḿbé ba/bángê ne Karâs byi-man byi-chwáp kámbé, eringe nyí byidacibi ne mbé byi-chi bǎmkpóngé ebe ḿbé mbe ba-tángê e byěm ḿbyí ntûntû.

Chwǒm kyi-kim ne Banyinchéng Ashí Afee ḿbé badabángê Dyiteréfes ne Dyimétoros

⁹ Me n/sáng kaǎkím-léta n-kye banet-ékwâbashi nyí Karâs, nké Dyiteréfes mú kyida ǎ enyîn ekyú onet-dyishí enen o*fí o-tî ng atông o-jwo ńkyí me mu n-sét ng*.

¹⁰ Ké nkéré mú mm/bê, me n/chi n-sét běn kángkáng byěm ḿbyí nyǐ oo/chi, wǎ byibî-byiraa ḿbyí mu o-raa ng kyi-kim ne be, ne byisédéng ḿbyí nyǐ mu o-sét ng. Nké kyi*da/nyere ányi*. Nyǐ o*fí o-koo ng bwǎn-bané eten ké nkéré mú baa/bê* ne mu o-sét ng banet bakíri o/fu, ba*dachi ba-kûkoo bwǎn-bané eten ámbe* ne mu o-kan n o/fu, nyǐ o-fîm m azong-banet ámbe ba-byí ké ékwâbashi nyí Karâs.

¹¹ Ocín-dyityém ejí, *dakûleme chwǒm ńkyí kyi*fí kanong*. Nké kûleme ńkyí nkyi kanong. Nang yeě nké mu o-chi i ńkyí nkyi kanong, onet ámu o-chi i onet mú Osówo. Nang yeě nké mu o-chi i ńkyí kyi*fí kanong* onet ámu o*da/ri ne Osówo*.

¹² Kángkáng banet mbe ba-kpee ng Dyimétoros. Édúú emen nyí ntûntû nyi e-tông ng e/fu, nyǐ o-chi i onet mú onong. Be to byimu byi-kpee ng ǎ, ne wo amu a-nyît ng a/fu, ńkyí be byimu byi-sét ng, nkyi ntûntû.

Nkuli Kyikû-Kyiraa eta

¹³ Me mu ne byěm chwóó ḿbyí nda ǒ esét. Nké n*fí n-ryuu ng n/fu, n-sét ng ǒ kámbyí ké kafâ-kiǐbáá-nwet ne omu-nwet*.

¹⁴ Me n/kabe n/fu, n-ri ng ǒ abe abe, ne byi/chi byi-pem ne barî ké ejá.

¹⁵ Bunyîn-dyityém bukyú ne wo. Kángkáng bacín eyên ba/ta ǒ kyiraa. Ta kángkáng bacín eten kyiraa wo oyén a-kye mě.