Zɛnɛse 10 - Yálá laawoo hɛɓɛ

Nu huwui kulɔ Noe hu

¹ Noe lon ɉinąą haaɓai, Sɛmə, Kamə da Ɉafɛtə di huwuhu nuą ka, ɲánwąną tɛɛ pulu.

² Ɉafɛtə lonnii laa ka: Gomɛrə, Magɔgə, Madai, Yavan, Tubalə, Mɛsɛkə da Tirasə.

³ Gomɛrə lonnii laa ka: Askenazə, Rifatə da Togarma.

⁴ Yavan lonnii laa ka: Elisa, Tarsisə, Kitimə da Rodanimə.

⁵ Nu huwui tii ɓə di taɠa taɠaa gahinŋąą ɓa. Hį́í wooi da mo, ya ɓə di ɉee di wɔ lɔi ɓa a nɔi laa.

⁶ Kamə lonnii laa ka: Kusə, Misraimə, Putə da Kanaan.

⁷ Kusə lonnii laa ka: Seva, Hawila, Savta, Raema da Savteka. Raema lonnii laa ka: Saba da Dedan.

⁸ Kusə ɓə kɛ a Nɛmrodə nąn; Nɛmrodə tii ɓə kɛ a nu yee walawalaa lɔi mɛ̨i nąąlɔwai.

⁹ Nɛmrodə ə kɛ a huwɔ kpɛmun gɛnɛ̨ Yai-Laa ɲɛ̨i ɓa. Yili ɓə gɛ, nuą da kɛ kɛi mą: «Ə kɛ a huwɔ kpɛmun gɛnɛ̨ Yai-Laa ɲɛ̨i ɓa yɛ Nemrodə.»

¹⁰ Nɛmrodə nwɔ taa tɔlɔɔɠaai ə dɔɔ, diɛ ɓaa kɛ: Babɛlə, Erɛkə, Akadə da Kalne, Sinearə lɔi hu ɓə ə daaɠaai tii pu laa.

¹¹ Nɛmrɔdə ə həɠə nɔi tii hu, ə li ə hee Asiri lɔi hu. Ə nɛɛ mą ə Ninivə taa tɔɔ, ə Rehovotə-Irə da Kala taa tɔɔ,

¹² ə taalee kɛnɛ̨ ta tɔɔ Ninivə taa da Kala taa di lɔwai, diɛ kɛ naa ɓa Rɛsɛn.

^13-14 Misraimə ɓə kɛ a: Ludə nuą, Einamə nuą. Lehavə nuą, Naftua nuą, Patrusə nuą da Kaslua nuą da Kaftɔrə nuą di kalaɓɔlɔ. Kaftɔrə nuą ɓə Filisti nuą di kulɔ di huwuhu.

¹⁵ Kanaan ɓə kɛ a Sidɔn nąn, yai kɛ a non dɔlɔɔ, da Hɛtə,

¹⁶ ɛlɛɛ, Ɉebusə nuą, Amɔrə nuą, Girgasə nuą,

¹⁷ Hivi nuą, Arki nuą, Sin nuą,

¹⁸ Arvadə nuą, Semarə nuą, da Hamatə nuą, nu huwuɠaai tii ɓə Kanaan nɔi nuą huwu ə kulɔ ɉu yɛ taɠa taɠa, ɉuwuɠaai tii kəlee di kalaɓɔlɔ ɓaa Kanaan.

¹⁹ Kanaan lɔi ɲɛ̨n ma kɛ a Sidɔn lɔi, yɛ li la Gerarə lɔi ɓa, ə lɛɛ ɉu ə həli kpɔ Gaza lɔi ɓa, yili pulu, yɛ li la Sodomə taa da Gomorə taa, Adma taa da Sevoimə taa, yɛ li la Lɛsa daai.

²⁰ Pələ ɓə Kamə huwuhu nuą di hee kpəlin na ə kɛ la, yɛ pələi di lawoo ə kɛ la, da di wɔ lɔiɠaa.

²¹ Sɛmə, Ɉafɛtə niɛ yaa kpɛli ə lon ɉinąą hɔlɔɓo. Yaa kpɛli, gaa a nu huwuɠaa ŋɛ̨i di kalaɓɔlɔ, diɛ ɓaa: Ebɛrə da ɉuwuhu nuą kəlee,

²² Sɛmə lon ɉinąą laa ka: Elamə, Asurə, Arfasadə, Ludə da Aramə.

²³ Aramə lon ɉinąą laa ka: Usə, Hulə, Gɛtɛrə da Masə.

²⁴ Arfasadə ɓə kɛ a Sɛla nąn, Sɛla ɓə kɛ a Ebɛrə nąn.

²⁵ Ebɛrə ə lon ɉinąą hveelɛ hɔlɔɓo, dɔlɔɔ laa ɓaa: Pɛlɛgə, mąąhɔlɔɓo, nwɔ lɔwai hu ɓə di lɔi ŋąąkwɛlɛ la. Pɛlɛgə nəɠə laa ɓaa: Yɔktan.

²⁶ Yɔktan ɓə kɛ a Almodadə nąn da Sɛlɛfə, Hasarmawɛtə, Yɛra,

²⁷ Hadoramə, Uzalə, Dikla,

²⁸ Ovalə, Avimaɛlə, Saba,

²⁹ Ofirə, Hawila da Yovavə ni, di kəlee di kɛ a Yɔktan lonnii.

³⁰ Nɔi di kɛ heeni ɉu, ə kɛ voló həɠəi pələ, ɓɛi yeeɠaa tamąą kɛ laa Mesa lɔi da Sefarə lɔi di lɔwai.

³¹ Nuąi tii kəlee ɓə kɛ a Sɛmə huwuhu nuą, di hee kpəlin na yɛ ɓo, yɛ pələi di lawoo ə kɛ la, da di wɔ lɔiɠaai.

³² Pələ ɓə nu huwuɠaai kulɔ Noe lonnii hu, di hee kpəlin na ə kɛ la, da di wɔ lɔiɠaa. Diɛi tii ɓə di lonnii di lɔi laahvɛɛ ɲánwąną tɛɛ pulu.