Mąątɛ̨nɛ̨ 1 - Yálá laawoo hɛɓɛNwələ hɛɓɛ dɔlɔɔ Nwun na nɛ̨ɛ̨ yɛnɛ̨ɛ̨ 1 Nwun na nɛ̨ɛ̨mun maa, nui hvo nu ɲɔ̨nwɔ̨ɔ̨ɠaa di wɔ liɛwoo pɔ, hva hiɛ nɛ̨ŋɛ̨n ɉəɠə nuą di wɔ pələi mɛ̨i, ɛlɛɛ, hva hee nuąi da yɛlɛ kulɔ Yálá hu, di lɔwai. 2 Kɛlaa, niiɓa ɓaa Yai-Laa nwɔ tɔ́n nwoo, a giliŋąhiɛ mą a hvoló da kpinį. 3 Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą. 4 Nu ɲɔ̨nwɔ̨ɔ̨ɠaa di wɛi hva kɛ tii, di kaa yɛ mɔ̨nun gala, yai hvaŋą a li la. 5 Yili ɓa, nu ɲɔ̨nwɔ̨ɔ̨ɠaa di hva di tɔɔi hɔlɔɓo, a giti tee yələ, nuąi lan bələ mɛ̨i, di hva di heei hɔlɔɓo tələnmo nuą di wɔ kpɔn hu. 6 Mąąhɔlɔɓo, Yai-Laa ə tələnmo nuą kpaalə kɔ́lɔn, Kɛlaa, nu ɲɔ̨nwɔ̨ɔ̨ɠaa kpaalə hu a kala. |