Ɉeremi 45 - Yálá laawoo hɛɓɛYai-Laa ə wɛlɛɛ ɓo a Barukə laa 1 Ɓɛlɔwai Neriya lon Barukə ə kɛi nwooɠaa ŋɛ̨i pɛ̨ɛ̨ la hɛɓɛ́ hu, Ɉeremi ɓə kɛi mo mą yɛ bɛ̨ɛ̨. A Ɉuda tɔɔmun Yoyakimə Ɉosiasə lon nwɔ tɔɔlaa gwɛlan nąąn ɲələ. Mɛ̨nįɠaai Ɉeremi ə mo ya ka, yɛ diɛ: 2 «Yai-Laa Israɛlə nwɔ Yálá woo ka, yɛ: Barukə! Ə́ kaa kɛi diɛ: 3 Máá aa wɛli, mɔ̨nɔ̨ɠaa daa laa mą́ą́, Yai-Laa kaa da laai mɛ̨i! Vį́į́ aa kpɛɛ, ŋą́ą́ wɔlɔ, ŋą́ą́ ɲiŋɛ; və́ hvįįtɔɔ hɔlɔɓoi.» 4 Mɛ̨nįi ə́ kaa lii moi mą, ya ka, yá kɛ mą: «Yai-Laa woo ka, yɛ: ‹Hɛn ŋą́ dɔɔ, ɲą́ą́ ɓə ŋą́ bu. Hɛn ŋą́ ɉin, ɲą́ą́ ɓə ŋą́ gulɔ a nwun; ɛlɛɛ, bələ ɓə ŋą́ gɛ la yɛnɛ̨ɛ̨ nąą kəlee. 5 Mɛ̨nį kpɛa kpɛaɠaai mąą lii kaa ə́ kwəi, ə́ kili həɠə laa, gáá mɛ̨nį nwąnąą laai nu kəlee ɓa. Kɛlaa, ə́ wɛi, gáá ə́ wɔ yɛnɛ̨ɛ̨ laahɔn moi nɛ̨kpɛlɛɛ ɓɛi lɔpee yá li laa.›» |