Zôo 26 - Yálá laawoo hɛɓɛ (dc)Ɉobə hvaa woo mɛ̨inąąn naa 1 Ɉobə ə nwoo ɲąą pənə, yɛ mą: 2 Ə́ wəlɛɛ hviikpɛɛ mun mąąkpɔn mąą ɓoi-yee! Ə́ wəlɛɛ nu yee hvaŋą lɔi tai! 3 Nui kili hvo mąi, ə́ wəlɛɛ gili too ɲəi tai! Ə́ wɔ mɛ̨nį kɔ́lɔn ŋąą kɛnɛ̨i tai. Yálá ɓə a Huwalawala Kəlee Nąmu 4 Gbɛɛ ɓə ə́ kaa ə́ woo ŋąą lɛi ma? Mɛ̨nįi ŋɛ̨i ə həɠə mį yɛ kulɔ ə́ la? 5 Haaɓəlaa diɛ ɲɔw, ɓɛi nąą mąą yɛɛ gboloyá da ɉu hɛnŋąą di mu pələ. 6 Ɲąmoątaa hu pɔ̨nɔ̨ɔi Yálá ɲɛ̨i ɓa, ə lɛɛ, haaɓəlaa taa hu hvo kpinį li. 7 Ya ɓə yələkɔlɔn ɉɛlɛn, ə lɔi kpalan naa ɓɛi hɛn da hvo kɛ laa. 8 Ya ɓə a ya kpɔn gee ɓa tulɔ kpinįn ɉu, di hva ɓɔ ma di hvo pu. 9 A nwɔ tɔɔ kpəlin tɔwɔ kpulu, a tulɔ kpinįn. 10 Ə ya too gwənan ɉu, ə həli la kɛɛ pɔ̨nɔ̨ da kpinį di ɲɛ̨n ma. 11 Yələkɔlɔn nɔ̨nwɔ̨ɠaa diɛ kpɛlin, di kpɛlin a nwɔ ɲɔw mąą laa. 12 Vaŋą kɛnɛ̨ a gboloyá kpɛlin, Ə gboloyá hu ɲinɛn ɉukala a nwɔ mɛ̨nį kɔ́lɔnŋąą. 13 Naa hvaŋą a yələ kwəi pɔ̨nɔ̨, Ɲįnɛ̨n gaa pɔ ə tɛɛ a gilɛ, ɲee yɛ ɓɔ ɉu. 14 Akɛ gɛ koló pɛlɛɛ-pɛlɛɛɠaa lɔ ɓə ti, diɛi gwa di mɛ̨i pələ mɛ̨n nɔ tiikpə, gbɛɛ ɓə a pɛli gɛ mɛ̨nį kpɛa kpɛaa ŋąą kaai? |