Zôo 25 - Yálá laawoo hɛɓɛ (dc)Bildadə woo ɉaaɓa nąą 1 Gɛɛ tii, Sua mun Bildadə ə mo, yɛ diɛ: 2 Yálá ɓə yeetɛɛmąą kaa ɲəi, da ɲɔw mąą laa. Ya ɓə a liilaa nwɔ yələkɔlɔn hu. 3 Nu a pɛli mɔ̨ɔ̨ nwɔ kɔlaɠai lonon ɉii? Gbɛɛ ɓə nwɔ kɛɛ ponoi hva ɓɛla mɛ̨i? 4 Nu a pɛli mɔ̨ɔ̨ gbɔwɔ kɛi a tələnmomun Yálá lííla? Nɛ̨ɛ̨nu kwəi lon a pɛli kɛi a nu haŋąą? 5 Yálá ɲɛ̨i ɓa, ɲąnin voló hvo ɉu, pɛmɛ̨lɛ̨n gɔwɠaa mąą hvo həɠə li. 6 Gu hvo mun kɛ golo kpɛli kpɛli ŋɛ̨i a nui, a Adamə lon ŋɛ̨i a golo ɲąnin gbɛli kpɛlii. |