Zasua 19 - Yálá laawoo hɛɓɛ (dc)

Simeɔn nwɔ lɔi

¹ Gbɛɛn bili veelɛnąą, Simeɔn ɓə naa ə kulɔ. Simeɔn lonnii heekpəli na kɛɛ a gwəliɠaa laa. Di wɔ lɔi ə kɛ Ɉuda lonnii di wɔ lɔi hąąi.

² Nɔi di ɉɔlɔɓo a di kwɛlin, ya ka: Beɛrə-Seva, Sema, Molada,

³ Hasarə-Sualə, Bala, Esɛmə,

⁴ Ɛltoladə, Betulə, Hɔrma,

⁵ Siklagə, Bɛtə-Markavotə, Hasarə-Susa,

⁶ Bɛtə-Levaotə, Saruhɛn; taa pow kɔ́w haaɓa da di yee mu taa pɛlɛɛɠaa.

⁷ Ein-Rimɔn, Etɛrə, da Asan; taa nąąn da di yee mu taa pɛlɛɛɠaa.

⁸ Daa pɛlɛɛɠaa kpɔ kɛ daa kpɛa-kpɛaa tii kwɛlɛ, ə həɠə Baalatə-Beɛrə, Ramatə laa ta li kɛ, ɉɛɠɛɛ pələ. Simeɔn lonnii di hee lɔi ka tii, a gwəliɠaa laa.

⁹ Di Simeɔn lonnii di wɔ lɔi həɠə Ɉuda lonnii di wɔ lɔi lɔwai, mąąhɔlɔɓo, Ɉuda lonnii di wɔ lɔi kɛnɛ̨i kɛ, yili ɓə gɛ Simeɔn lonnii diɛ di wɔ lɔi hɔlɔɓo Ɉuda lonnii di wɔ lɔi hu.

Zabulɔn nwɔ lɔi

¹⁰ Ɉaaɓa nąą, Zabulɔn lonnii laa ə kulɔ a gwəliɠaa laa. Di wɔɔ lɔi ɲɛ̨n ə kɛi həɠə Saridə taa ɓa,

¹¹ yɛ tɛ Mareala voló tooi pələ, yɛ hee Dabɛsɛtə taa ɓa, yili pulu, yɛ hee ɲái tii Yakneamə kwɛlɛ mą.

¹² Ə kɛi həɠə Saridə, ə kpəlaan voló həɠəi pələ, ɓa-mįi-yee hu, Kislotə-Tabɔrə ɲɛ̨n ma, yɛ ɉaŋą a Daveratə pələ, yɛ tɛ Yafia.

¹³ Ə kɛi həɠə laa, yɛ tɛɛ Gatə-Hefɛrə voló kulɔi pələ, da Ita-Kasin, Rimona ə lɛɛ ɉu, ɉu ə hee, yɛ li Nea pələ.

¹⁴ Di ɲɛ̨n ə kɛi Hanatɔn mąąlaa ɲələi pələ, yɛ hvilɛn Yifta-Ɛlə, ɓoloon ma.

¹⁵ Katatə, da Nahalalə, da Simrɔn, Yideala, Bɛtleɛmə; di pɛlɛɛ di kee ɓa, di kɛ a taa kpɛa-kpɛaa pow kɔ́w hveelɛ, da di yee mu taa pɛlɛɛɠaa.

¹⁶ Zabulɔn lonnii hee lɔi ka tii, a daa kpɛa-kpɛaa tii, da di yee mu taa pɛlɛɛɠaa, a gwəliɠaa laa.

Isakarə nwɔ lɔi

¹⁷ Nąąn nąą, Isakarə laa ə kulɔ, Isakarə lonnii di hee a di wɔ kwəliɠaa laa.

¹⁸ Di ɲɛ̨n ə kɛi həɠə Izreɛlə pələ, da Kesulotə, da Sunɛmə,

¹⁹ Hafaraimə, Siɔn, Anaharatə,

²⁰ Rabitə, Kisiɔn, Evɛsə,

²¹ Rɛmɛtə, Ein-Ganimə, Ein-Hada, Bɛtə-Pasesə.

²² Di ɲɛ̨n ə kɛi hee Tabɔrə yee ɓa, da Sahasima, Bɛtə-Sɛmɛsə, yɛ hvilɛn na Ɉurdɛn ɓa; taa kpɛa-kpɛaa pow kɔ́w mɛ̨ida, da di yee mu taa pɛlɛɛɠaa.

²³ Daaɠaa tii da di yee mu taa pɛlɛɛɠaa di kɛ a Isakarə lonnii hee lɔi, a da di wɔ kwəliɠaa laa.

Asɛrə nwɔ lɔi

²⁴ Di gbɛɛn nɔɔli nąą pili, Asɛrə huwu laa ə kulɔ a di wɔ kwəliɠaa laa.

²⁵ Di wɔ lɔi ɲɛn ma kɛ a Hɛlkatə, Hali, Bɛtɛn, Aksafə,

²⁶ Alamelɛkə, Ameadə, Misealə, ə kɛi li yɛ tunwɔ̨n Karmɛlə yee ɓa voló tooi pələ, da Siɔrə-Livnatə;

²⁷ ə kɛi tínɛ̨n voló həɠəi pələ, Bɛtə-Dagɔn daai, yɛ tiliin Zabulɔn da Yifta-Ɛlə ɓoloon ma, Bɛtə-Emɛkə da Neiɛlə di nwun mɛ̨i, yɛ ɉaŋą a Kavulə kɔ́ɓɛyee hu pələ,

²⁸ da Avdɔn pələ, Rehɔvə da Hamɔn, ə lɛɛ, Kana, yɛ həli la Sidɔn kɛnɛ̨ ɓa.

²⁹ Di ɲɛ̨n ə kɛi tɛɛ Rama tənən ma, yɛ həli la Tirə gɔ́ taa kɛnɛ̨ ɓa. Yɛ nwɔ̨nɔ̨ tínɛ̨n yɛ li Hosa pələ, ə hee gboloyá ɓa Mahalɛvə, Akzivə lɔi hu.

³⁰ Ako, Afɛkə, Rehɔvə, di pɛlɛɛ kɛ mą. Taa kpɛa-kpɛaa pow hveelɛ kɔ́w hveelɛ, da di yee mu ta pɛlɛɛɠaa.

³¹ Asɛrə lonnii hee lɔi ka tii kɛ da daaɠaa tii da di yee mu taa pɛlɛɛɠaa, a gwəliɠaa laa.

Nɛftali nwɔ lɔi

³² Mɛida nąą, Nɛftali huwu laa ə kulɔ. Nɛftali lonnii da di wɔ kwəliɠaa.

³³ Di ɲɛ̨n ə həɠə kpɔ Helɛfə ɓa, da Elɔn, yɛ tɛɛ Saananimə pələ, da Adami-Nɛkɛvə, Yavneɛlə, yɛ li Lakumə ɓa, yɛ hvilɛn Ɉurdɛn ɓa.

³⁴ Di ɲɛ̨n ə kɛi tínɛ̨n voló tooi pələ, Aznotə-Tabɔrə daai, ə lɛɛ, yɛ ɉon a Hukɔkə pələ. Ə kɛi tunwɔ̨n Zabulɔn ɓa ɉɛɠɛɛ pələ, yɛ hee Asɛrə nwɔ lɔi ɓa voló tooi pələ, yili pulu, yɛ həli Yehuda nwɔ lɔi ɓa, Ɉurdɛn ə lɛɛ voló həɠəi pələ.

³⁵ Gɔ taaɠaa ka: Sidimə, Serə, Hamatə, Rakatə, Kinerɛtə,

³⁶ Adama, Rama, Hasɔrə,

³⁷ Kɛdɛsə, Ɛdrɛi, Ein-Hasɔrə,

³⁸ Yireɔn, Migdalə-Ɛlə, Horɛmə, Bɛtə-Anatə, Bɛtə-Sɛmɛsə. Taa kpɛa-kpɛaa pow kɔ́w mɛ̨inan, da di yee mu taa pɛlɛɛɠaa.

³⁹ Nɛftali lonnii hee lɔi ka tii a daa kpɛa-kpɛaa da di yee mu taa pɛlɛɛɠaa, a gwəliɠaa laa.

Dan nwɔ lɔi

⁴⁰ Mɛihveelɛnąą, Dan lonnii huwu laa ə kulɔ a di wɔ kwəliɠaa laa.

⁴¹ Di hee lɔi ɲɛ̨n ə kɛ a Sorea, Ɛstaɔlə, Irə-Sɛmɛsə,

⁴² Saalabin, Ayalɔn, Itla,

⁴³ Elɔn, Timnata, Ɛkrɔn,

⁴⁴ Ɛlteke, Gibetɔn, Baalatə,

⁴⁵ Yehudə, Bene-Berakə, Gatə-Rimɔn,

⁴⁶ Yarkɔn yáɠaa, Rakɔn da nɔi kɛ Ɉafa tənən ma.

⁴⁷ Kɛlaa, Dan lonnii di wɔ lɔi hvo lɛɛ di yəi, Dan lonnii də li di kɔ́ pɛlɛ Lɛsɛmə ɓa, di ɉon, di nɔi nuą kəlee paa a ɓɔwa, di nɔi həɠə a di wɔɔ, di hee laa. Dan lonnii, di di kalaɓɔlɔ laa hee Lɛsɛmə ɓa.

⁴⁸ Daa kpɛa-kpɛaa, da daa pɛlɛɛɠaa tii ɓə kɛ a Dan lonnii hee lɔi, a gwəliɠaa laa.

⁴⁹ Yii kɛa di kpɛɛ a nɔi kəlee hon ŋąą a di wɔɔ, nu kəlee da ɲɛ̨n, Israɛlə lonnii di lɔi tɛɛ Nun lon Ɉosue pɔ nɔi hąmąi.

⁵⁰ Daai Ɉosue ə vɛli, ya ɓə di dɛɛ bɔ, yɛ bələi Yai-Laa ə mo la. Daa tii ɓaa: Timnatə-Sera, Ɛfraimə yee hu. Ɉosue ə pənə ə daa tii tɔɔ, ə hee laa.

⁵¹ Nuą hee taaɠaa ka tii, ɉaláá laa həli mun Eleazarə, Nun lon Ɉosue, da Israɛlə lonnii di wɔ pɛlɛ nąmįną, di nɔi ɲąąkwɛlɛ mɛ̨nį kɔ́ a kpɛ̨ɛ̨, Silo daai Yai-laa lííla, gee kaa kələ laaləi; bələ ɓə di kpɛɛ la a nɔi ɲąąkwɛlɛɛ.