Zasua 16 - Yálá laawoo hɛɓɛ (dc)

Ɛfraimə lonnii di wɔ lɔi

¹ Ɉosɛfə lonnii di wɔ lɔi ə kɛi həɠə Ɉurdɛn ɓa, Ɉeriko kwɛlɛ pələ, yaa kpɔ ka tii a nɔi pun ŋɛ̨i həɠə Ɉeriko yɛ tɛ Betɛlə yee ɓa,

² Ə kɛi həɠə Betɛlə yɛ həli Luzə, yɛ tɛɛ Arki nuą di wɔ lɔi ɲɛ̨n ma pələ, Atarotə daai.

³ Yɛ yɛɛ voló tooi pələ, Yafle nuą di wɔ lɔi ɲɛ̨n ma pələ, yɛ həɠə Bɛtə-Horɔn ɉɛɠɛɛ nwɔ lɔi ɓa, yɛ hvilɛn gbɔ Gɛzɛrə ɓa, yɛ hvilɛn na gboloyá ɓa.

⁴ Ɉosɛfə lonnii, Ɛfraimə da Manase di wɔ lɔi ka tii.

⁵ Ɛfraimə lonnii di wɔ lɔi ɲɛ̨n ga a gwəli laa: vóló ɓɛlai bələ, di wɔ lɔi ɲɛ̨n maa kɛ Atrotə-Adarə, ə həli la Bɛtə-Horɔn ɲánwuɔ̨ pələ.

⁶ Voló tooi bələ, di ɲɛ̨n ə kɛi həɠə Mikmetatə ɲánwuɔ̨ pələ, yɛ tínɛ̨n voló ɓɛlai pələ, yɛ həli Taanatə-Silo daai; ə kɛi daa hu ɓo voló həɠəi bələ, yɛ li Yanoa pələ.

⁷ Yili pulu, ə kɛi yɛɛ, yɛ həɠə Yanoa, yɛ həli Atarotə da Naarata diɛ, yɛ hee Ɉeriko ɓa, yɛ li la Ɉurdɛn pɔ pələ.

⁸ Nɔ́i ɲɛ̨n ə kɛi həɠə Tapua, yɛ ɉaŋą hvóló tooi ɓələ, yɛ həli Kana yá ɓa, yɛ hvilɛn gboloyá ɓa. Ɛfraimə huwu hee lɔi ka tii kɛ, bɛliɛ di wɔ kwəliɠaai ɓa.

⁹ Daa taɠaa di kɛ a Ɛfraimə lonnii di wɔ, Manase lonnii di wɔ lɔi hu, a taa kpɛa-kpɛaɠaa da di yeemu taa pɛlɛ́ɠaa, yiliɠaai laa kulaa ɉu.

¹⁰ Kɛlaa, Kanaan nuąi tii kɛ heeni Gɛzɛrə, Israɛlə hvo di kpɛ. Kanaan nuąi tii di lɛɛ Ɛfraimə lonnii lɔwai, ə mą kɛ háákəlee. Kɛlaa, di kɛ a di wɔ kólo kɛ nuą.