Zasua 15 - Yálá laawoo hɛɓɛ (dc)

Nɔi Ɉuda nu huwu ə ɉɔlɔɓo

¹ Ɉuda lonnii di wɔ lɔi heekpəlin na ka; a gwəliɠaa laa, ə kɛi li Edɔmə lɔi ɲɛ̨n ma pələ, Sin lɔi pun ɉu ɉɛɠɛɛ pələ.

² Ɉɛɠɛɛ pələ, di ɲɛn ə kɛi həɠə gboloyá kponą ɓa, ə həɠə ɓɛi tii gboloyá a lɔ laa nɔi hu, Negɛvə tənən ma,

³ yɛ li ɉɛɠɛɛ pələ Ɲɔ̨n-gaalə Yee pɔ, yɛ tɛɛ Sin; yili pulu, yɛ ɉaŋą Kadɛsə-Barnea kɔ́wɔ mu pələ, yɛ tɛɛ Hɛsrɔn, yɛ tɛ Adarə pələ, yɛ ɉaŋą Karkaa pələ,

⁴ yɛ tɛɛ Asmɔn, yɛ həli Eziptə yá ɓa, yɛ kpəla gboloyá ɓa. Ka ɲɛ̨n ga tii ɉɛɠɛɛ pələ.

⁵ Voló kulɔi bələ, nɔi ɲɛ̨n ə kɛ a gboloyá kponą, yɛ həli la ɓɛi Ɉurdɛn a pu laa gboloyá ɓa. Ɲələi pələ, nɔi ɲɛn ə kɛi həɠə ɓɛi gboloyá a lɔ laa nɔi hu, ə həli ɓɛi Ɉurdɛn a pu laa gboloyá ɓa.

⁶ Di ɲɛ̨n ə kɛi tɛ yɛ həli Bɛtə-Hɔgla ɓa, yɛ tɛɛ Bɛtə-Araba ɲələi pələ, yɛ tɛ yɛ həli Rubɛn lon Bohan nwɔ kwɛnii ɓa.

⁷ Di ɲɛ̨n ə kɛi tɛ Devirə pələ, yɛ tɛɛ Akɔrə ɓoloon bɔ pələ, ɛlɛɛ yɛ tínɛ̨n ɲələi pələ, yɛ ɉaŋą Gilgalə pələ. Adumimə yee tənən ma, ɲá ɉɛɠɛɛ pələ, ə kɛi tɛɛ Ein-Sɛmɛsə yá kwɛlɛ, yɛ hvilɛn Ein-Rogɛlə ɓa.

⁸ Nɔi ɲɛ̨n ə kɛi tɛɛ Bɛn-Hinɔmə ɓoloon ɉu pələ. Ɉebusə nuą di wɔ lɔi koo ɓa pələ, naa ɓa Ɉerusalɛmə. Yili pulu, di ɲɛ̨n ə kɛi tɛ kpɔ ɲee ton na. Hinɔmə ɓoloon ɲɛ̨i tɔwɔ, voló tooi pələ. Refaitə nu huwu di wɔ ɓoloon ɲələi pələ.

⁹ Yili pulu, ɉu ə kɛi hee, ə həɠə ɲee ton na, ə həli la Nɛftoa yá nwun gulɔi ɓa, yɛ həli kpɔ la Iyimə daai Ɛfrɔn yee hu, ɉu yɛ hee Baala pələ, yai a Kiriatə-Yearimə.

¹⁰ Ə həɠə Baala, nɔi ɲɛ̨n ə kɛi tínɛ̨n voló tooi pələ, Seirə yee pɔ pələ, nwɛla yee koo ɓa nąą mɛ̨i pələ, ya ɓaa Kesalɔn; yɛ yɛɛ Bɛtə-Sɛmɛsə, yɛ tɛɛ Timna,

¹¹ yɛ tɛɛ Ɛkrɔn yee koo ɓa ɲələi pələ, ɉu yɛ hee Sikarɔn daai, yɛ Baala yee tɛ, yɛ həli kpɔ Yavneɛlə yee ɓa, yɛ hee gboloyá ɓa.

¹² Voló tooi pələ, ɲɛ̨n ə kɛ a gboloyá kɛnɛ̨ da gwɛlɛ lɔiɠaa, Ɉuda lonnii di wɔɔ lɔi ka tii, ɉeekpəlin na kɛɛ a gwəliɠaa laa; nɔi ɲɛ̨n gəlee ka tii.

¹³ Di lɔi tɛɛ Yefunɛ lon Kalɛbə pɔ Ɉuda lonnii lɔwai, yɛ bələi Yai-Laa ə mo la Ɉosue ɓa Kiriatə-Arba yii gaa Hebrɔn. Arba ə kɛ a Anakə lon, ɉee taa.

¹⁴ Kalɛbə ə lɔi kulɔ Anakə lonnii haaɓai yəi, diɛ ɓaa: Sesai da Ahiman, da Talmai, diɛ ɓə kɛ a Anakə huwu.

¹⁵ Kalɛbə ə həɠə laa, ə li ə kɔ́ pɛlɛ Devirə daai nuą diɛ. Tɔlɔɔ-tɔlɔɔ, di kɛi kɛ Devirə laa ɓaa: Kiriatə-Sefɛrə.

¹⁶ Kalɛbə yɛ diɛ, nui ɲee a tɛɛ Kiriatə-Sefɛrə ɓa, ə ɉon a kɔ́, ŋą́ nón nɛ̨ɛ̨nu Aksa tɛɛ bɔ a nɛ̨ą.

¹⁷ Nui nąą hon a kɔ́, ya ɓaa Kenazə lon Otniɛlə, yai kɛ a Kalɛbə gaayɔwɔ. Kalɛbə ə non nɛ̨ɛ̨nu Aksa tɛɛ bɔ a nɛ̨ą.

¹⁸ Pai nɛ̨ɛ̨non ə mo ɉilɛ pɔ, ɉilɛ yɛ mą: tíi kɛ lɔwɔ hvɛli ə́ nąn ma. Nɛ̨ɛ̨non ə kulɔ ɉoohvaalən mɛ̨i ə hvilɛn, nąn Kalɛbə yɛ mą: lə ɓə ə́ kaa bɔ?

¹⁹ Nɛ̨ɛ̨non yɛ nąn ma: «Mɛ̨inɛ̨ɛ̨ kɛ mą́ą́! Yɛ bələi yáá lɔi tɛɛ la bɔ́ ɉɛɠɛɛ pələ, yá kɛɛnąą tɛɛ bɔ́!» Kalɛbə ə yá kɛɛnąą tɛɛ bɔ ɲələi pələ da ɉɛɠɛɛ pələ.

²⁰ Bələ ɓə Ɉuda nu huwu ə kɛ la, a gwəliɠaa laa.

²¹ Daaɠaai kɛ Ɉuda lonnii di wɔɔ lɔi ɲɛn ma, Edɔmə tənən ma pələ, ɉɛɠɛɛ pələ, diɛ ka: Kavseɛlə, Edɛrə, Yagurə,

²² Kina, Dimona, Adeada,

²³ Kɛdɛsə, Hasɔrə-Yitnan,

²⁴ Zifə, Tɛlɛmə, Bealotə,

²⁵ Hasɔrə-Hadata, Keriyotə-Hɛsrɔn, gɛɛnąą tii laa ta ɓaa: Hasɔrə,

²⁶ Amamə, Sema, Molada,

²⁷ Hasarə-Gada, Hɛsmɔn, Bɛtə-Pɛlɛtə,

²⁸ Hasarə-Sualə, Beɛrə-Seva, da gwɛlɛ lɔiɠaa

²⁹ Baala, Iyimə, Esɛmə,

³⁰ Ɛltoladə, Kesilə, Hɔrma,

³¹ Siklagə, Madmana, Sansana,

³² Levaotə, Silehimə, Ein-Rimɔn; di wɔ taa kpɛa-kpɛaa, da di wɔ taa pɛlɛɛɠaa kəlee pɛlɛɛ gee ɓa, ə kɛ a taa pow hveelɛ kɔ́w mɛ̨inąąn.

³³ Di wɔ taa kpɛa-kpɛaa da di yee mu taaɠaa: Ɛstaɔlə, Sorea, Asna,

³⁴ Ɉanoa, Ein-Ganimə, Tapua, Einamə,

³⁵ Yarmutə, Adulamə, Soko, Azeka,

³⁶ Saaraimə, Aditaimə, Gedera, Gederotaimə; daaɠaa tii kəlee pɛlɛɛ gee ɓa ə kɛ a taa pow kɔ́w nąąn, gbɛa-kpɛaa da bɛlɛɛɠaa kəlee.

³⁷ Senan, Hadasa, Migdalə-Gadə,

³⁸ Dilean, Mispe, Yokteɛlə,

³⁹ Lakisə, Bɔskatə, Ɛglɔn,

⁴⁰ Kabɔn, Lamasə, Kitlisə,

⁴¹ Gederotə, Bɛtə-Dagɔn, Naama, Makeda; gəlee ə kɛ a taa pow kɔ́w mɛ̨ida, da di wɔ taa pɛlɛɛɠaa.

⁴² Livna, Etɛrə, Asan,

⁴³ Yifta, Asna, Nesivə,

⁴⁴ Keila, Akzivə, Maresa, taa mɛ̨inąąn da di wɔ taa pɛlɛɛɠaa.

⁴⁵ Ɛkrɔn da nwɔ taa kpɛa-kpɛaa da daa pɛlɛɛɠaa.

⁴⁶ Ə həɠə Ɛkrɔn, voló tooi pələ ə həli la gboloyá ɓa, da ɉɛnŋąą kpɔ kɛ Asdɔdə kwɛlɛ, da nwɔ taaɠaai,

⁴⁷ daa kpɛa-kpɛaa, da bɛlɛɛɠaa, Gaza da nwɔ taa kpɛa-kpɛaa, da bɛlɛɛɠaa, ə lɛɛ ɉu ə həli la Eziptə gboloyá kɛnɛ̨ ɓa,.

⁴⁸ Ɲee ɓa nwɛiɠaa ɓaa: Samirə, Yatirə, Soko,

⁴⁹ Dana, Kiriatə-Sana, ya ka tii a Devirə.

⁵⁰ Anavə, Ɛstemoa, Animə,

⁵¹ Gosɛn, Holɔn, Gilo; taa pow kɔ́w tanɔ̨n da nwɔ taa pɛlɛɛɠaa.

⁵² Aravə, Duma, Esean,

⁵³ Yanumə, Bɛtə-Tapua, Afeka,

⁵⁴ Humeta, Kiriatə-Arba, ya ka tii a Hebrɔn, Siɔrə; taa kpɛa-kpɛaa mɛ̨inąąn da di wɔ taa pɛlɛɛɠaa.

⁵⁵ Maɔn, Karmɛlə, Zifə, Yuta,

⁵⁶ Izreɛlə, Yɔrkeamə, Ɉanoa,

⁵⁷ Kain, Givea, Timna; taa kpɛa-kpɛaa pow, da di wɔ taa pɛlɛɛɠaa.

⁵⁸ Halhulə, Bɛtə-Surə, Gedɔrə,

⁵⁹ Maaratə, Bɛtə-Anotə, Ɛltekɔn; taa kpɛa-kpɛaa mɛ̨ida da di wɔ taa pɛlɛɛɠaa.

⁶⁰ Kiriatə-Baalə, yili ka tii a Kiriatə-Yearimə, Raba; taa kpɛa-kpɛaa hveelɛ da di wɔ taa pɛlɛɛɠaa.

⁶¹ Nɔi pun ɉu pələ, Bɛtə-Araba, Midin, Sekaka,

⁶² Nivsan, Irə-Mɛla, Ein-Gɛdi; taa kpɛa-kpɛaa mɛ̨ida da di wɔ taa pɛlɛɛɠaa.

⁶³ Kɛlaa, Ɉebusə nuąi kɛ heeni Ɉerusalɛmə, Ɉuda lonnii di hvo pɛli di kpɛi laa, Ɉebusə nuą tii kaa háákələi heeni Ɉuda lonnii lɔwai Ɉerusalɛmə daai.