Nehemi 11 - Yálá laawoo hɛɓɛ (dc)

Ɉuifəɠaai pa heei Ɉerusalɛmə

¹ Nɔi ɲąąwooɓo nuą di kɛ heeni Ɉerusalɛmə. Nɔi lonnii di gɔ́ a kpɛɛ, di nu tɔ̨nɔ̨ həɠə nu pow lɔwai, yili yɛ pa heei Ɉerusalɛmə daa mąąhəɠɛɛ hu, mɛ̨inąąn dakpɛliɠaai tii di lɛɛ daaɠaa hu.

² Nuąi kpɔ di laa tɛɛ di kpɔɔ ɓa, diɛ pa heei Ɉerusalɛmə daai, nɔi lonnii di lúwɔ́ too diɛ.

³ Nɔi ɲąąwooɓo nuąi pa heei Ɉerusalɛmə daai, di laa ka: Ə gɔwɔ tɔɔ Ɉuda taaɠaa hu, Israɛlə, ɉaláá laa həli nuą, Levi huwuhu nuą, ɉaláá koló kɛ nuą, da Salomɔn nwɔ tínuą lonnii nu kəlee ə hee nąn gwɛlin mɛ̨i, bɔ taai.

⁴ Ɉuda nu huwu taɠaa da Bɛnɉamɛn huwuhu nuą taɠaa di kɛ heeni Ɉerusalɛmə. Ɉuda lonnii lɔwai, nuąi kulɔ laa diɛ ɓaa: Ataya, nąn mąą: Uziya, yili nwɔ nąn mąą: Ɉekaria, yili nwɔ nąn mąą: Amaria, yili nwɔ nąn mąą: Sefatia, yili nwɔ nąn mąą: Mahalalɛlə; di kəlee di kulɔ Pɛrɛsə huwuhu.

⁵ Yili pulu, Maaseya nąn mąą kɛ: Barukə, yili nwɔ nąn mąą: Kɔlə-Hoze, yili nwɔ nąn mąą: Hazaya, yili nwɔ nąn mąą: Adaya, yili nwɔ nąn mąą: Yoyarivə, yili nwɔ nąn mąą: Ɉekaria, yili nwɔ nąn mąą: Ha-Siloni.

⁶ Pɛrɛsə huwuhu nuąi kɛ heeni Ɉerusalɛmə, di kɛ a nu nwun nąąn nu pow mɛ̨ida kɔ́w mɛ̨ihaaɓa (468), gəlee di ɓo a kɔ́ kɔ́ nuą.

⁷ Bɛnɉamɛn huwuhu nuą laa ka: Salu, nąn mąą kɛ a: Mesulamə, yili nwɔ nąn mąą: Yoedə, yili nwɔ nąn mąą: Pedaya, yili nwɔ nąn mąą: Kolaya, yili nwɔ nąn mąą: Maaseya, yili nwɔ nąn mąą: Itiɛlə, yili nwɔ nąn mąą: Yesaya.

⁸ Yili pulu, Gabai, Salai nu nwun mɛ̨inąąn nu pow hveelɛ kɔ́w mɛ̨ihaaɓa (928).

⁹ Ɉikri lon Yoɛlə ɓə kɛi di mɛ̨i kaa, ɛlɛɛ, Ha-Senua lon Yehuda ə kɛ daai pələ a yii lɛɛ bɔɔ ɲa.

¹⁰ Ɉaláá laa həli nuą laa ka: Yoyarivə lon Yedaya, Yakin,

¹¹ Hilkiya lon Seraya, yai kɛ a Mesulamə lon, Sadɔkə lon, Merayotə lon, Ahituvə lon, yii kɛ Yálá hee pɛlɛ́ goló ɲąąwooɓomun.

¹² Da di kaayɔwɔɠaai kɛ Yálá hee pɛlɛ́ goló ɓa, di kɛ a nu nwun mɛ̨ihaaɓa nu pow hveelɛ kɔ́w hveelɛ (822); Adaya ə kɛ a Yerohamə lon, yili nwɔ nąn mąą kɛ a: Pelalia, Amsi lon, Ɉekaria lon, Pasehurə lon, Malkiya lon,

¹³ da gaayɔwɔɠaa, diɛi kɛ a pɛlɛ́ nąmįną, nu nwun veelɛ nu pow naa kɔ́w hveelɛ (242) Amasai, Azarɛlə lon, Azai lon, Mesilemotə lon, Imɛrə,

¹⁴ da di kaayɔwɔɠaa kɔ́kuláá nu nwu dɔ̨nɔ̨ nupow hveelɛ kɔ́w mɛ̨ihaaɓa (128); di mɛ̨i kaa mun ma kɛ a Ha-Gedolimə.

¹⁵ Levi huwuhu nuą lɔwai, Semaya, yai kɛ a Hasuvə lon, Azrikamə lon, Hasavia lon, yii kɛ a Buni lon,

¹⁶ Ə lɛɛ Sabtai da Yozavadə, Levi huwuhu nuą nwun nąmįną lɔwai yiiɠaai kɛi koló kɛ Yálá hee pɛlɛ́ ɲɛ̨nɛ̨ɛ̨ pələ.

¹⁷ Matania nąn mąą: Mika, yili nwɔ nąn mąą: Ɉavdi, yili nwɔ nąn mąą: Asafə yaai nwələ toɔ mąą la tɛɛ kɛ bɔ, Matania ɓə vɛli ɓo woo ɓoɔ kɔ́wɔ tɔɔ nąąlɔwai; da Matania nəɠə Bakbukia, da Samua lon Avda, yai kɛ a Galalə lon, a Yedutun lon.

¹⁸ Levi huwuhu nuąi kpɔ kɛ daa kɛnɛ̨ hu, di kɛ a nu nwun veelɛ nu pow mɛ̨ihaaɓa kɔ́w nąąn (284).

¹⁹ Bɛlɛ́ laaləi nuą, Akuvə, Talmɔn da di kaayɔwɔɠaai kɛ a bɛlɛ́ laaləi mąąkpɛ nuą, di kɛ a nu nwundɔ̨nɔ̨ nu pow mɛ̨ihveelɛ kɔ́w hveelɛ (172).

²⁰ Israɛlə nuą kpəliɠaa da ɉaláá laa həli nuą, da Levi huwuhu nuą gbəli, nu kəlee ə kɛ heeni daaɠaa hu di nąn ni kwɛlin ŋąą mɛ̨i.

²¹ Ɉaláá koló kɛ nuą di kɛ heeni Ofɛlə, Siha da Gispa ɓə kɛ a ɉaláá koló kɛ nuą ɲɛ̨i tɔwɔ nuą.

²² Uzi ɓə kɛ Levi huwuhu nuą ɲɛ̨itɔwɔ Ɉerusalɛmə daai, yai nąn mąą kɛ a Bani, yili nąn mąą Hasavia, yili nąn mąą Matania, yili nąn mąą Mika, yaai kɛ a Asafə huwuhu mun da, nu huwui tii ɓə kɛ vɛli mɛ̨nį nwun na Yálá hee pɛlɛ́ mu.

²³ Mąąhɔlɔɓo, tɔɔmun mə kɛi di wɔ koló kɛ pələ lɛ, ɛlɛɛ, hɛɓɛ́ ta ə kɛi nwələ too nuą di wɔ hvóló lɛ diɛ.

²⁴ Mesezaveɛlə lon Petahia, yai kɛ a Zera lon, Ɉuda lon da ə kɛ tɔɔmun gwɛlɛ nɔi lonnii mąą mɛ̨nį ɓa.

Nuąi di hvo kɛ heeni Ɉerusalɛmə daa kwəi

²⁵ Yii hvilɛn na daa pɛlɛɛɠaa diɛ nɔwɔ mu, Ɉuda nu huwu taɠaa di kɛ heeni Kiriatə-Arba da gwɛlɛ taaɠaa. Daɠaa di ɓo Divɔn da gwɛlɛ taaɠaa hu, ə mą kɛ Yekavseɛlə da gwɛlɛ taaɠaa hu.

²⁶ Daɠaa di kɛ Yesua, Molada, Bɛtə-Pɛlɛtə,

²⁷ Hasarə-Sualə, Beɛrə-Seva, da gwɛlɛ taaɠaa,

²⁸ daɠaa di ɓo Siklagə, Mekona, da gwɛlɛ taaɠaa,

²⁹ daɠaa di ɓo Ein-Rimɔn, Gorea, Yarmutə,

³⁰ Ɉanoa, Adulamə, da gwɛlɛ taaɠaa, Lakisə da gwɛlɛ taaɠaa, Azeka, da gwɛlɛ taaɠaa. Di heeɛ ə kɛ, ə həɠə Beɛrə-Seva ə həli la Hinɔmə moloon bɔ.

³¹ Bɛnɉamɛn huwuhu nuą di heɛi kɛ, ə həɠə Gɛva, Mikmasə, Aya, Betɛlə da gwɛlɛ taaɠaa hu,

³² diɛ ɓo Anatotə, Nɔvə, Anania,

³³ Hasɔrə, Rama, Gitaimə,

³⁴ Hadidə, Sevoimə, Nebalatə,

³⁵ Lodə, da Ono, goló kɛ nuą di wɔ ɓoloon bɔ.

³⁶ Levi lonnii taɠaa di həɠə Ɉuda lɔi hu, diɛ li Bɛnɉamɛn lɔi.