Mąątɛ̨nɛ̨ 98 - Yálá laawoo hɛɓɛ (dc)

Yai-Laa kaa pai! 'Ká mąątɛ̨nɛ̨

1 Mąątɛ̨nɛ̨ wələ

¹ Mąątɛ̨nɛ̨ wələ 'Ka wələ ninɛ̨ too Yai-Laa ɓa, mąąhɔlɔɓo aa mɛ̨nį ɲąąnɛ̨ɛ̨ kpɛa-kpɛa kɛ, mamįiyeei, a ɲee mąąhəɠɛɛ tii, ya ɓə a nu ɓalo.

² Yai-Laa aa nwɔ ɓalo mɛ̨nįi lɛ, aa nwɔ tələnmolaa too pɔ̨nɔ̨ ɲą, yɛnɛ̨ɛ̨ nuą diɛ.

³ Bələi a Israɛlə nwɔ pɛlɛ́i hon na, a wɛlikɛmąąlaa, da lɛɛ nwoo pululaa, aa gili too ɲą, ə mą kɛ kwɛala lɔiɠaa daa gu wɔ Yálái nwɔ ɓalo mɛ̨nį kaa.

⁴ Yɛnɛ̨ɛ̨ nąą kəlee! 'Ka tómą Yai-Laa pɔ pələ, 'ka tómą a kwəinɛ̨ɛ̨ 'ka wələ too, ka hvɛ́li hee mu.

⁵ 'Ka gwɛnįn ɲɔw Yai-Laa ɓa, 'ka hvɛ́li pɛlɛ gɔwɔ mu.

⁶ 'Ka túlú hvɛ́ɛ́, 'ka lalo yɔw, 'ka ka yee lɔwa Yai-Laa Heeɓomun mą.

⁷ Gboloyá da ɉu hɛnŋąą kəlee di hvuluun, lɔi da ɉu nuą kəlee di hvaa nwələ mu.

⁸ Yá kpɛa-kpɛaɠaa kəlee di di yee lɔwa, yeeɠaa di tómą a kwəinɛ̨ɛ̨.

⁹ 'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.